బడ్జెట్ ధర రూ.7 వేలలో కొత్త స్మార్ట్ ఫోన్ ఆగస్టు 18 న ఫ్లిప్ కార్ట్ సేల్ లో

బడ్జెట్ ధర రూ.7 వేలలో కొత్త స్మార్ట్ ఫోన్ ఆగస్టు 18 న ఫ్లిప్ కార్ట్ సేల్ లో అందుబాటులోనికి రానుంది. ఐటెల్ విజన్ 1 స్మార్ట్ ఫోన్ 3 జీబీ ర్యామ్ వేరియంట్ మనదేశంలో లాంచ్ అయింది. ఇందులో 2 జీబీ ర్యామ్ + 32 జీబీ స్టోరేజ్ వేరియంట్ ఈ సంవత్సరం ఫిబ్రవరిలోనే లాంచ్ అయింది. ఇందులో 3 జీబీ ర్యామ్ + 32 జీబీ స్టోరేజ్ వేరియంట్ ఇప్పుడు లాంచ్ చేసారు. దీనికి సంబంధించిన స్పెసిఫికేషన్లు 2 జీబీ ర్యామ్ మోడల్ తరహాలోనే ఉన్నాయి. ఇందులో 4000 ఎంఏహెచ్ బ్యాటరీ, వెనకవైపు ఫింగర్ ప్రింట్ స్కానర్ వంటి ఫీచర్లు అందుబాటులో ఉన్నాయి.

ఐటెల్ విజన్ 1 లో 3 జీబీ ర్యామ్ వేరియంట్ స్మార్ట్ ఫోన్ స్పెసిఫికేషన్ మరియు ధర వివరాలు:

* ఈ స్మార్ట్ ఫోన్ లో 6.09 అంగుళాల హెచ్ డీ+ ఐపీఎస్ డిస్ ప్లేను అందించారు.

* ఇందులో 3 జీబీ వరకు ర్యామ్, 32 జీబీ స్టోరేజ్ ఇందులో ఉన్నాయి. మైక్రో ఎస్ డీ కార్డు ద్వారా దీన్ని 128 జీబీ వరకు పెంచుకోవచ్చు.

* ఆక్టాకోర్ యూనిసోక్ ఎస్సీ9863ఏ ప్రాసెసర్ పై ఈ ఫోన్ పనిచేయనుంది.

* ఆండ్రాయిడ్ 9 ఆపరేటింగ్ సిస్టంను ఇందులో అందించారు.

* ఈ ఫోన్లో వెనకవైపు రెండు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 8 మెగా పిక్సెల్ కాగా, 0.08 మెగా పిక్సెల్ డెప్త్ సెన్సార్ ను కూడా అందించారు.

* సెల్ఫీ ప్రియుల కోసం ముందువైపు 5 మెగా పిక్సెల్ కెమెరా ఉంది.

* ఈ ఫోన్లో 4000 ఎంఏహెచ్ సామర్థ్యమున్న బ్యాటరీని అందించారు.

* వెనకవైపు ఫింగర్ ప్రింట్ సెన్సార్ ఉంది. దీంతోపాటు ఫేస్ అన్ లాక్ ఫీచర్ ను కూడా ఈ ఫోన్ సపోర్ట్ చేయనుంది.

* ఇందులో 4జీ వోల్టే, వైఫై, బ్లూటూత్ 4.2 వంటి కనెక్టివిటీ ఫీచర్లు కూడా ఇందులో ఉన్నాయి. దీని మందం 0.85 సెంటీమీటర్లు కాగా, బరువు 169 గ్రాములుగా ఉంది.

ఈ స్మార్ట్ ఫోన్ వేరియంట్ ధరను మనదేశంలో రూ.6,999గా నిర్ణయించారు. ఈ ఫోన్ ఫ్లిప్ కార్ట్ ఆగస్టు 18 నుంచి సేల్ కు వెళ్లనుంది. గ్రేడియేషన్ బ్లూ, గ్రేడియేషన్ గ్రీన్ రంగుల్లో ఈ ఫోన్ అందుబాటులో ఉంటుంది.