ఒప్పో రెనో 3 ప్రో ఫోన్ పై భారీ తగ్గింపు

ఒప్పో రెనో 3 ప్రో ఫోన్ పై భారీ తగ్గింపును ప్రకటించింది ఒప్పో సంస్థ. ఒప్పో రెనో 3 ప్రో స్మార్ట్ ఫోన్ ధర మనదేశంలో మళ్లీ తగ్గింది. ఇందులో 8 జీబీ ర్యామ్ + 128 జీబీ స్టోరేజ్ వేరియంట్ పై రూ.2,000 తగ్గింపు లభించగా, 8 జీబీ ర్యామ్ + 256 జీబీ స్టోరేజ్ వేరియంట్ పై రూ.3,000 వరకు ధర తగ్గింపు లభించింది. ఇందులో ఆక్టాకోర్ మీడియాటెక్ హీలియో పీ95 ప్రాసెసర్ ను అందించారు. ఈ ఫోన్ మనదేశంలో మార్చిలో లాంచ్ అయింది.

ఒప్పో రెనో 3 ప్రో స్పెసిఫికేషన్లు మరియు ధర వివరాలు:

* ఈ స్మార్ట్ ఫోన్ లో 6.4 అంగుళాల ఫుల్ హెచ్ డీ+ సూపర్ అమోఎల్ఈడీ డిస్ ప్లేను అందించారు. దీని యాస్పెక్ట్ రేషియో 20:9గా ఉండగా, స్క్రీన్ టు బాడీ రేషియో 91.5 శాతంగా ఉంది.

* ఆక్టా కోర్ మీడియాటెక్ హీలియో పీ95 ప్రాసెసర్ పై ఈ ఫోన్ పనిచేయనుంది.

* ఫోన్లో 8 జీబీ ర్యామ్, 256 జీబీ వరకు స్టోరేజ్ ఇందులో అందుబాటులో ఉంది.

* ఈ స్మార్ట్ ఫోన్ వెనకవైపు నాలుగు కెమెరాలను అందించారు. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ కెమెరా, 13 మెగా పిక్సెల్ టెలిఫొటో సెన్సార్, 2 మెగా పిక్సెల్ మోనో సెన్సార్ కూడా ఇందులో ఉన్నాయి. 5x హైబ్రిడ్ జూమ్, 20x డిజిటల్ జూమ్ వరకు ఈ కెమెరాలు సపోర్ట్ చేస్తాయి.

* సెల్ఫీల కోసం ముందువైపు 44 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలను అందించారు.

* ఆండ్రాయిడ్ 10 ఆధారిత కలర్ ఓఎస్ 7పై ఈ ఫోన్ పనిచేస్తుంది.

* ఇందులో బ్యాటరీ సామర్థ్యం 4,025 ఎంఏహెచ్ కాగా, 30W ఫాస్ట్ చార్జింగ్ టెక్నాలజీని ఈ స్మార్ట్ ఫోన్ సపోర్ట్ చేస్తుంది.

* 4జీ వోల్టే, వైఫై 802.11ac, బ్లూటూత్, జీపీఎస్/ఏ-జీపీఎస్, యూఎస్ బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి.

* ఇన్-డిస్ ప్లే ఫింగర్ ప్రింట్ సెన్సార్ ను ఇందులో అందించారు.

స్మార్ట్ ఫోన్ ఒప్పో రెనో 3 ప్రో 8 జీబీ ర్యామ్ + 128 జీబీ స్టోరేజ్ వేరియంట్ ధర ఇంతకు ముందు రూ.29,990గా ఉండగా ఇప్పుడు రూ.27,990కు తగ్గింది. 8 జీబీ ర్యామ్ + 256 జీబీ వేరియంట్ ధర రూ.32,990 నుంచి రూ.29,990కు తగ్గించింది. గతంలో కూడా ఈ స్మార్ట్ ఫోన్ 128 జీబీ వేరియంట్ పై రూ.2,000 తగ్గించారు.