నోటి నుంచి దుర్వాసన దేనికి సంకేతం ..?

నోటి నుంచి చెడు వాసన వస్తుంటే.. అది కేవలం నోటి సమస్య అని మాత్రమే అనుకుంటాం. కానీ, చెడు శ్వాస అనారోగ్యానికి సంకేతమనే సంగతి మీకు తెలుసా? బాగా బ్రష్ చేసిన తర్వాత కూడా మీ నోటి నుంచి దుర్వాసన వస్తుంటే తప్పకుండా అనుమానించాలి. శరీరంలో నీరు తగ్గినట్లయితే.. మెదడు ఆకలి వేస్తుందనే తప్పుడు సంకేతాలు ఇస్తుంది. ఆ సమయంలో మనం ఆహారానికి బదులు నీళ్లు తీసుకోవడం మంచిది. ఎందుకంటే.. నీరు ఎక్కువగా తీసుకోకపోతే నోటి దుర్వాసన తీవ్రమవుతుంది. నోరు పొడిబారితే లాలాజలంలో ఉండే యాంటీబ్యాక్టీరియల్‌ తగ్గిపోతుంది. ఫలితంగా నోరు చెడు వాసన వెదజల్లుతుంది. నోటి నుంచి వచ్చే దుర్వాసనకు చెడు శ్వాసకు మధ్య చాలా వ్యత్యాసం ఉంది. మన ముక్కు నుంచి విడుదల చేసే గాలి నుంచి దుర్వాసన వస్తుంటే తప్పకుండా అనుమానించాలి. వైద్యులను సంప్రదించాలి.

కిడ్నీలు సరిగా పని చేయకపోతే రక్తంలో ఉండే వ్యర్థాలు, మలినాలు పేరుకుపోతాయి. ఆ ప్రభావం నాలుకపై ఉండే టేస్ట్ బడ్స్ (రుచి గుళికలు)పై పడుతుంది. ఫలితంగా తినే ఆహారం రుచిగా అనిపించదు. పైగా ఏదో లోహాన్ని నోటిలో పెట్టుకున్నట్లుగా అనిపిస్తుంది. అంతేగాక.. చెడు రక్తం వల్ల ఊపిరితీత్తుల్లోకి కూడా చేరుతుంది. దానివల్ల శ్వాస క్రియ సమయంలో రక్తంలో ఉండే మలినాలు మనం వదిలే కార్బన్‌ డై ఆక్సైడ్‌లో కలుస్తాయి. ఆ గాలి బయటకు వచ్చినప్పుడు శ్వాస దుర్వాసన వెదజల్లుతుంది. కాబట్టి.. ఆ రెండు లక్షణాలు కనిపించినప్పుడు తప్పకుండా అది అనారోగ్య సమస్య అని గుర్తించాలి. వైద్యులను సంప్రదించి మీ సమస్యను వివరంగా చెప్పండి.

నోటి శుభ్రత పాటించకపోవడం, అలర్జీలు వంటి సమస్యల వల్ల కూడా శ్వాస కంపు కొడుతుంది.

నిత్యం నీరు తాగే అలవాటు ఉన్నా సరే తరచుగా చెడు వాసన వస్తుంటే తప్పకుండా వైద్యులను సంప్రదించాలి.

టాన్సిల్ స్టోన్స్ వల్ల కూడా మీ నోటి నుంచి భరించలేనంత చెడు వాసన వస్తుంది. కాబట్టి ఒకసారి పరీక్షలు చేయించుకోవడం ఉత్తమం.

వివిధ అనారోగ్య సమస్యలు, చెడు అలవాట్ల వల్ల కూడా నోటి నుంచి దుర్వాస వస్తుంది.


దుర్వాసన కేవలం మీ నోటి నుంచే వస్తున్నట్లయితే.. ఈ సూచనలు పాటించండి. రోజు ఉదయాన్నే పళ్లు తోమిన తర్వాత తప్పకుండా నాలుకను శుభ్రం చేసుకోవాలి.

ఏదైనా ఆహారాన్ని తిన్న తర్వాత నీటితో నోరు పుకిలించి ఊసేయండి. నోటిలో ఆహారం ఎక్కువ సేపు ఉన్నట్లయితే బ్యాక్టీరియా ఏర్పడే అవకాశం ఉంది. అది నోటిలో దుర్వాసన కలిగిస్తుంది.

రోజూ ఆపిల్ లేదా క్యారట్లను తినడం ద్వారా కూడా నోటిపై ఉండే మలినాలను తొలగించవచ్చు.

కాఫీ ఎక్కువగా తాగినా సరే దుర్వాసన ఎక్కువగా వస్తుంది.కాఫీకి బదులు గ్రీన్ టీ తాగండి. ఎందుకంటే గ్రీన్ టీ శ్వాసను మెరుగుపరుస్తుందని పరిశోధనల్లో తేలింది.

కొబ్బరి నూనేను కొద్దిగా నోటిలో వేసుకుని పుక్కిలిస్తే.. హానికర బ్యాక్టీరియా తొలగిపోతుంది. పళ్ల చిగుళ్లు ఆరోగ్యకరంగా ఉంటాయి.