రియల్ మీ కొత్త బడ్జెట్ ఫోన్లు సీ12, సీ15 లాంచ్....
By: chandrasekar Mon, 24 Aug 2020 11:51 PM
తన కొత్త బడ్జెట్ ఫోన్లు సీ12,
సీ15లను లాంచ్ చేసింది రియల్ మీ. రియల్ మీ సీ11కు తర్వాతి వెర్షన్ గా రియల్ మీ సీ12 లాంచ్ అయింది. రియల్ మీ సీ15లో వెనకవైపు నాలుగు కెమెరాలు, 4 జీబీ వరకు ర్యామ్ అందించారు. ఈ రెండిట్లోనూ వాటర్ డ్రాప్ నాచ్ ను అందించారు. వీటిలో ఫింగర్ ప్రింట్ సెన్సార్ ను ఫోన్ వెనకభాగంలో అందించారు. వీటిలో వేర్వేరు కలర్ ఆప్షన్లు, రివర్స్ చార్జింగ్ కూడా అందుబాటులో ఉన్నాయి.
రియల్ మీ సీ12 ధర:
రియల్ మీ సీ12లో కేవలం ఒక్క వేరియంట్ మాత్రమే అందుబాటులో ఉంది. 3 జీబీ ర్యామ్ + 32 జీబీ స్టోరేజ్ ను ఇందులో అందించారు. పవర్ బ్లూ, పవర్ సిల్వర్ రంగుల్లో ఈ ఫోన్ లాంచ్ అందుబాటులో ఉంది. దీనికి సంబంధించిన సేల్ ఆగస్టు 24వ తేదీన మధ్యాహ్నం 12 గంటలకు జరగనుంది. ఆఫ్ లైన్ సేల్ ఆగస్టు 31వ తేదీ నుంచి ప్రారంభం అవుతుంది.
రియల్ మీ సీ12 స్పెసిఫికేషన్లు:
ఈ స్మార్ట్ ఫోన్ లో
6.5 అంగుళాల హెచ్ డీ+ డిస్ ప్లేను అందించారు. డిస్ ప్లే యాస్పెక్ట్ రేషియో
20:9గా ఉండగా, స్క్రీన్ టు బాడీ రేషియో
88.7 శాతంగా ఉంది. ఇందులో ఫింగర్ ప్రింట్ సెన్సార్ ను ఫోన్ వెనకభాగంలో అందించారు.
ఆక్టాకోర్ మీడియాటెక్ హీలియో జీ35 ప్రాసెసర్ పై ఈ ఫోన్ పనిచేయనుంది. 3
జీబీ ర్యామ్ ను ఇందులో అందించారు. ఇందులో వెనకవైపు మూడు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 13 మెగా పిక్సెల్ కాగా, 2
మెగా పిక్సెల్ మోనోక్రోమ్ సెన్సార్, 2
మెగా పిక్సెల్ మాక్రో షూటర్ లు కూడా ఇందులో అందించారు.
సెల్ఫీల కోసం ముందువైపు 5 మెగాపిక్సెల్ కెమెరా ఉంది. సెల్ఫీ కెమెరాలో ఏఐ బ్యూటీ, హెచ్ డీఆర్, పనోరమ, టైమ్ ల్యాప్స్ వంటి ఫీచర్లు ఉన్నాయి. దీని స్టోరేజ్ సామర్థ్యం 32
జీబీగా ఉంది. దీన్ని మైక్రో ఎస్ డీ కార్డు ద్వారా
256 జీబీ వరకు పెంచుకోవచ్చు. 6000 ఎంఏహెచ్ బ్యాటరీని ఇందులో అందించారు.
రివర్స్ చార్జింగ్ టెక్నాలజీని ఈ ఫోన్ సపోర్ట్ చేస్తుంది. ఆండ్రాయిడ్ 10 ఆధారిత రియల్ మీయూఐ ఆపరేటింగ్ సిస్టంపై ఈ ఫోన్ పనిచేయనుంది. 4జీ వోల్టే, వైఫై, బ్లూటూత్ 5.0, జీపీఎస్/ఏ-జీపీఎస్, మైక్రో యూఎస్ బీ పోర్టు కనెక్టివిటీ ఫీచర్లను కూడా ఇందులో ఉన్నాయి. దీని మందం 0.98 సెంటీమీటర్లు కాగా, బరువు
209 గ్రాములుగా ఉంది.
రియల్ మీ సీ15 ధర:
దీనిలో రెండు వేరియంట్లు అందుబాటులో ఉన్నాయి. వీటిలో 3 జీబీ ర్యామ్ + 32 జీబీ స్టోరేజ్ వేరియంట్ ధరను రూ.9,999గానూ, 4 జీబీ ర్యామ్ + 64 జీబీ స్టోరేజ్ వేరియంట్ ధరను రూ.10,999గానూ నిర్ణయించారు. ఇది కూడా పవర్ బ్లూ, పవర్ సిల్వర్ రంగుల్లో అందుబాటులో ఉంది. దీని సేల్ ఆగస్టు 27వ తేదీన మధ్యాహ్నం 12 గంటలకు జరగనుంది. దీని ఆఫ్ లైన్ సేల్ సెప్టెంబర్ 3వ తేదీన ప్రారంభం కానుంది. ఈ రెండు ఫోన్లూ ఫ్లిప్ కార్ట్, రియల్ మీ వెబ్ సైట్లలో కొనుగోలు చేయవచ్చు.
రియల్ మీ సీ15 స్పెసిఫికేషన్లు:
రియల్ మీ సీ12 తరహాలోనే ఇందులో కూడా 6.5 అంగుళాల హెచ్ డీ+ డిస్ ప్లేను అందించారు. డిస్ ప్లే యాస్పెక్ట్ రేషియో 20:9గా ఉండగా, స్క్రీన్ టు బాడీ రేషియో 88.7 శాతంగా ఉంది. ఇందులో ఫింగర్ ప్రింట్ సెన్సార్ ను ఫోన్ వెనకభాగంలో అందించారు.
ఆక్టాకోర్ మీడియాటెక్ హీలియో జీ35 ప్రాసెసర్ పైనే ఈ ఫోన్ కూడా పనిచేయనుంది. ఇందులో 4 జీబీ వరకు ర్యామ్ ను అందించారు. దీనిలో వెనకవైపు నాలుగు కెమెరాలు అందుబాటులో ఉన్నాయి. వీటిలో ప్రధాన కెమెరా సామర్థ్యం 13 మెగా పిక్సెల్ కాగా, 8
మెగా పిక్సెల్ అల్ట్రా వైడ్ యాంగిల్ కెమెరా, 2
మెగా పిక్సెల్ మోనోక్రోమ్ సెన్సార్, 2
మెగా పిక్సెల్ రెట్రో షూటర్ లను కూడా ఇందులో అందించారు.
సెల్ఫీల కోసం ముందువైపు 8 మెగాపిక్సెల్ కెమెరా ఉంది. సెల్ఫీ కెమెరాలో ఏఐ బ్యూటీ, హెచ్ డీఆర్, పనోరమ, టైమ్ ల్యాప్స్ వంటి ఫీచర్లు ఇందులో కూడా ఉన్నాయి. దీని స్టోరేజ్ సామర్థ్యం 64
జీబీ వరకు ఉంది. దీన్ని మైక్రో ఎస్ డీ కార్డు ద్వారా 256 జీబీ వరకు పెంచుకునే అవకాశం. దీనిలో కూడా 6000 ఎంఏహెచ్ బ్యాటరీనే ఉంది.
18W
ఫాస్ట్ చార్జింగ్ టెక్నాలజీని ఈ ఫోన్ సపోర్ట్ చేస్తుంది. ఆండ్రాయిడ్ 10
ఆధారిత రియల్ మీయూఐ ఆపరేటింగ్ సిస్టంపై ఈ ఫోన్ పనిచేస్తుంది. 4జీ వోల్టే, వైఫై, బ్లూటూత్
5.0, జీపీఎస్/ఏ-జీపీఎస్, మైక్రో యూఎస్ బీ పోర్టు కనెక్టివిటీ ఫీచర్లను కూడా ఇందులో ఉన్నాయి. దీని మందం కూడా 0.98 సెంటీమీటర్లు, బరువు 209 గ్రాములుగానే ఉంది.
