వెజ్ ప్రియులు అత్యంత ఇష్టపడే చనా మసాలా తయారీ విధానం

రోటి , పరాఠా వంటివి తినాలంటే దానికి మంచి కాంబినేషన్ చనా మసాలా..ఎక్కువగా నార్త్ ఇండియన్స్ తినే ఈ వంటను తయారు చేయడం పెద్ద కష్టం ఏమి కాదు ..ఇది ఎలా తయారు చేయాలో తెలుసుకుందాం ..

కావాల్సిన పదార్ధాలు:

కాబూలీ శెనగలు - రెండున్నర కప్పు, టమాట ముక్కలు - మూడు కప్పులు, పచ్చిమిర్చి - నాలుగు, అల్లం తరుగు - అర స్పూను, వెల్లుల్లి తరుగు - రెండు టీస్పూనులు, పసుపు - ఒక టీస్పూను, కొత్తిమీర పొడి - రెండు టీస్పూనులు, జీలకర్ర పొడి - రెండు టీస్పూనులు, కారం - ఒక టీస్పూను, గరం మసాలా - ఒక టీస్పూను, ఉల్లిపాయ - రెండు, ఉప్పు - రుచికి తగినంత, నూనె - సరిపడినంత..

తయారీ విధానం :

1. కాబూలీ శెనగల్ని రాత్రంతా నీటిలో నానబెట్టాలి. ఉదయాన నీళ్లు వంపేసి పక్కన పెట్టాలి.

2. స్టవ్ మీద కళాయి పెట్టి నూనె వేసి వేడి చేయాలి.

3. అందులో ఉల్లిపాయల ముక్కలు వేసి వేయించాలి. అందులో అల్లం, వెల్లుల్లి తరుగు వేసి వేయించాలి.

4. అవి బాగా వేగాక టమోటా ముక్కల్ని, కొత్తిమీర పొడి, పసుపు, జీలకర్ర పొడి, కారం వేసి బాగా కలపాలి.

5. వీటిని బాగా ఉడికించాలి. బాగా వేగితే ఆయిల్ పైకి తేలుతుంది. అప్పుడు ముందుగా నానబెట్టిన కాబూలీ శెనగల్ని వేసి కలపాలి.

6. రెండున్నర కప్పులు నీళ్లు కూడా వేయాలి. ఉప్పు వేసి, కాస్త కొత్తిమీర ఆకులు చల్లి మూత పెట్టేయాలి. ఓ పావుగంట సేపు ఉడకనివ్వాలి. మధ్య మధ్యలో కలుపుతూ ఉండాలి.

7. పావుగంట ఉడికాక అందులో గరం మసాలా వేసి బాగా కలపాలి.

8. మళ్లీ మూత పెట్టేసి చిన్న మంట మీద మూడు నిమిషాల పాటూ ఉడకనివ్వాలి.

9. మూత తీసి ఒకసారి బాగా కలపాలి. శెనగలు ఉడికాయో లేదో చూసుకోవాలి. ఉడకకపోతే మరికాసేపు చిన్నమంట మీద ఉడికించాలి. కావాలనుంటే పైన కొత్తిమీర మళ్లీ చల్లుకోవచ్చు. అంతే చనా మసాలా సిద్ధమైనట్టే.