నాన్ వెజ్ ప్రియులకు నోరూరించే గోంగూర మటన్ తయారీ విధానం

శాకాహారులకు అత్యంత నచ్చే వంటకాలలో ఒకటి గోంగూర అలాగే మాంసాహారులకు మటన్ అంటే ఎంత ఇష్టమో ప్రత్యేకంగా చెప్పాల్సిన అవసరం లేదు అయితే శాకాహారం , మాంసాహారం అయినా ఈ రెండిటిని కలిపి గోంగూర మటన్ వండితే ఆ రుచి ఇక అమోఘం అనే చెప్పాలి ..అందుకే ఎప్పుడు రొటీన్ గా కాకుండా కొంచెం కొత్తగా మటన్ తినాలనుకునే వారికీ ఈ గోంగూర మటన్ బెస్ట్ ఛాయస్ ..ఇపుడు గోంగూర మటన్ ఎలా చేయాలో తెల్సుకుందాం

కావాల్సిన పదార్ధాలు

గోంగూర ఆకులు – 250 గ్రాములు; మేక మాంసం – 500 గ్రాములు; కొత్తిమీర – తగినంత; పుదీన – గుప్పెడు; ఉల్లిపాయలు – 2 (సన్నగా తరగాలి); అల్లం వెల్లుల్లిపేస్ట్‌ – 2 టీ స్పూన్లు; పసుపు – అర టీ స్పూన్‌; కొబ్బరి తురుము – 2 టీ స్పూన్లు; ఉప్పు – తగినంత; కారం – తగినంత; మసాలా – (లవంగాలు –4, యాలకులు –4, ధనియాలు టేబుల్‌ స్పూన్‌. ఇవన్నీ కలిపి వేయించి, పొడి చేయాలి); గసగసాలు – టీ స్పూన్‌

తయారీ విధానం :

1. మటన్‌ ముక్కలను వేడినీటిలో 10 నిమిషాలు ఉడికించాలి

2. పొయ్యిమీద గిన్నెపెట్టి నూనె వేసి వేడిచేయాలి

3. అందులో సాజీరా ఉల్లిపాయ ముక్కలు వేసి వేయించాలి

4. అల్లం వెల్లుల్లి ఫేస్ట్, పుసుపు వేసి కలపాలి

5. అందులో మటన్‌ వేసి 5 నిమిషాలు ఉడికించాలి

6. తగినంత కారం, ఉప్పు కలిపి ఉడికించాలి

7. కొబ్బరి పొడి వేసి 15 నిమిషాలు ఉడికించాలి

8. తరువాత తరిగిన గోంగూర ఆకులు వేసి ఉడికించాలి

9. చివరగా గరం మసాలా, కొత్తి మీర వేసి దించాలి.