బ్రెజిల్‌లో కారులో పెళ్లి చేసుకున్న జంట

బ్రెజిల్‌కు చెందిన జోవా బ్లాంక్‌, ఎరికా బ్లాంక్‌లు అనే జంట ఏకమైంది. కారులో వచ్చిన ఆ జంట ముందుగా ప్రమాణాలను చదివారు. ఉంగరాలను మార్చుకున్నారు తరువాత మాస్క్‌తోనే ముద్దు పెట్టుకుని పెళ్లి అనే బంధంతో ఏకం అయ్యారు. పెళ్లి పూర్త యినట్టే వెంటనే అధికారులు వారికి వివాహ ధ్రువీకరణ పత్రం ఇస్తారు.. తరువాత ఆ కారు వెళ్లిపోతుంది. మరో కారు మరో జంటతో వస్తుంది.

ఇలా 5 నిమిషాల్లో జంటలు ఏకం అవుతూనే ఉంటాయి. డ్రైవ్-త్రూ వివాహ వేడుకవైపు ఎక్కువగా ఆకర్షితులు అవుతున్నారని తెలిసింది. కరోనా వైరస్‌ను అరికడుతూనే ఏకం అయ్యేందుకు ఇది మంచి మార్గమని నవ దంపతులు అభిప్రా యపడ్డారు. కొన్ని చోట్ల వీడియో కాన్పరెన్స్‌ ద్వారా మరికొన్ని చోట్ల ఇలా డ్రైవ్-త్రూ పద్ధతిలో పెళ్లిళ్లు జరగటం విశేషం.