కొత్తిమీరతో ప్రయోజనాలు
By: chandrasekar Thu, 18 June 2020 2:19 PM
కొత్తిమీర చాలా కర్రీస్లో
వాడుతుంటారు. కొత్తిమీర ధనియాల నుంచే వస్తుంది. సువాసన కలిగి ఉండే కొత్తిమీరను
కూరలలో ఎందుకు వాడతారు, వాటి ప్రయోజనాలేంటో ఇప్పటి జెనరేషన్కి అంతగా
తెలియదు. ఇది కేవలం గార్నిష్ కోసం ఉపయోగిస్తారు అనుకుంటారు.
* ఇది గుండె సంబంధిత సమస్యలను దూరం చేస్తుంది. రోజూ
కొత్తిమీర తినడం వల్ల అధిక రక్తపోటు, చెడు కొవ్వును తగ్గించి గుండె పనితీరు మెరుగు
పరుగుస్తుంది.
* ఇన్ఫెక్షన్ల బారిన పడకుండా కొత్తిమీర కాపాడుతుంది.
కొత్తిమీర తరచుగా తింటే బ్యాక్టీరియా వల్ల కలిగే ఇన్ఫెక్షన్ సమస్య మటుమాయం.
* చర్మ సంరక్షణలోనూ కొత్తిమీర కీలకపాత్ర పోషిస్తుంది.
ఎండలో ఎక్కువగా తిరిగేవారి శరీరాన్ని ఇన్ఫెక్షన్ల బారి నుంచి కాపాడుతుంది.
* కొత్తిమీరలో ఉంటే యాంటీ ఆక్సిడెంట్స్ మెదడుపై
ఒత్తిడిని తగ్గించడంతో పాటు జ్ఞాపకశక్తిని పెంచుతాయి. త్వరగా ఒత్తిడి, ఆందోళన
చెందడాన్ని అదుపుచేస్తుంది.
* రోగ నిరోధక శక్తిని పెంపొందిస్తుంది. కొత్తిమీరలో
ఉండే యాంటీ ఆక్సిడెంట్లు ఊపిరితిత్తులు, ప్రొస్టేట్, బ్రెస్ట్ (ఛాతీ) భాగాలలో క్యాన్సర్ కణాలు త్వరగా
పెరగకుండా నియంత్రిస్తుంది. కొత్తిమీర కొన్ని రకాల క్యాన్సర్లను నివారిస్తుంది.
* కొత్తిమీర తినడం వల్ల జీర్ణవ్యవస్థ మెరుగవుతుంది.
ధనియాల నుంచి తీసే నూనె జీర్ణక్రియను మెరుగు పరుస్తుంది. తరచుగా అసహనానికి
గురయ్యేవారి సమస్యకు కొత్తమీర చెక్ పెడుతుంది.
* కొత్తిమీర రక్తహీనతను తగ్గిస్తుంది. పొగతాగడం, కీమోథెరపి
వల్ల కలిగే నష్టాలను తగ్గిస్తుంది. రక్తనాళాలలో ఆటంకాలను తొలగించి రక్త సరఫరాను
మెరుగు పరుస్తుంది.
* చాలా రకాల వంటలలో కొత్తిమీరను వాడుతారు. దీనివల్ల
కూరలు రుచితోపాటు, సువాసనను వెదజల్లుతాయి. వంటలకు కొత్తిమీర
కొత్తదనాన్నిస్తుంది.