బాలీవుడ్ హీరో సంజయ్ దత్ అనారోగ్యంతో ఆసుపత్రిలో చేరారు. శనివారం సాయంత్రం ఆయనకు శ్వాస తీసుకోవడంలో ఇబ్బంది తలెత్తడంతో వెంటనే ముంబై నానావతి హాస్పిటల్‌లో అడ్మిట్ అయ్యారు. ఆసుపత్రిలోని అత్యవసర వార్డులో చేర్చిన డాక్టర్లు.. ఆయనకి కరోనా రాపిడ్ టెస్ట్ చేయగా నెగెటివ్ అని వచ్చింది. దీంతో ఆయనకు అవసరమైన చికిత్స అందిస్తున్నారు. ప్రస్తుతం ఆయన ఆరోగ్య పరిస్థితి నిలకడగా ఉందని, భయపడాల్సిన పనిలేదని డాక్టర్లు చెప్పారు.
అయితే ఒక్కోసారి రాపిడ్ టెస్ట్‌లో కరోనా నెగెటివ్ అని వచ్చే అవకాశం ఉంటుందని చెప్పిన డాక్టర్స్.. పూర్తి స్థాయిలో టెస్ట్ చేయనున్నట్లు తెలిపారు. ప్రస్తుతం సంజయ్ దత్ వయసు 61 సంవత్సరాలు. ఇటీవలే ఆయన తన 61వ జన్మదిన వేడుక జరుపుకున్నారు. ఆయన లేటెస్ట్ మూవీ 'సడక్ 2' హాట్ స్టార్‌లో విడుదలకు ముస్తాబయింది. మహేష్ భట్ దర్శకత్వంలో సడక్ సినిమాకు సీక్వల్‌గా ఈ మూవీ రూపొందింది.
ఇక సౌత్ ఇండియాలో క్రేజీ ప్రాజెక్ట్ లలో ఒకటి అయినా కెజిఎఫ్ చాప్టర్ 2 లో కూడా సంజయ్ దత్ నటిస్తున్న విషయం తెలిసిందే..ఇటీవలే ఆ సినిమా నుంచి సంజయ్ ఫస్ట్ లుక్ విడుదల చేసారు ..దీనికి అద్భుతమైన రెస్పాన్స్ వచ్చింది ..