మీఠా పారే(షక్కర్ ‌పారా) తయారు చేయడం ఎలా?

మీథే పారేను ఉత్తర భారతదేశంలో షక్కర్ ‌పారా, షక్కర్‌ పారే అని కూడా అంటారు. ఇది సాధారణంగా ఉత్తర భారతీయులు తరచుగా చేసుకునే సాంప్రదాయక ఆహారంలో ఇది ఒకటి. ఈ స్వీట్ సాయంత్రం టీ - టైం లో స్నాక్స్ కోసం సెలక్ట్ చేసుకోవచ్చు. చిన్నపిల్లల నుంచి పెద్దవారి వరకు, ఈ మీథే పారే స్వీట్‌ని ఇష్టపడని వారంటూ ఉండరు. ఈ ఐటెం గొప్పదనం ఏంటంటే, దీన్ని ఏకంగా వారం పాటు గాలి చొరబడని ఎయిర్ టైట్ కంటైనర్లలో నిల్వచేసుకుని తినొచ్చు.

కావలసిన పదార్థాలు:

*250 గ్రాములు మైదా
*3 టీ స్పూన్ నెయ్యి
*1/2 కప్ చక్కర
*అవసరాన్ని బట్టి నీళ్ళు

తయారుచేయు విధానం:

*ఒక గిన్నెను తీసుకుని, అందులో నీరు, చక్కెర వేసి బాగా కలపండి. చక్కెర పూర్తిగా నీటిలో కరిగేవరకు కలపండి.

*ఈ మిశ్రమంలో నెయ్యిని వేసి 3 నుండి 4 నిమిషాలపాటు మళ్లీ కలపండి. ఆపై అందులో మైదాని వేసి మెత్తని పిండిగా తయారుచేసుకోండి. ఈ పిండి మెత్తగా మారిన తర్వాత, 1 నుండి ఒకటిన్నర గంటల పాటు పక్కన ఉంచండి.

*కొంత సమయం తరువాత, (చపాతీ పీట) మీద పిండిని వేసి, పిండిని చిన్ని చిన్ని భాగాలుగా తయారు చేయండి. రోలింగ్ పిన్‌కు నూనె రాసి, పిండిని మందంగా ఫ్లాట్‌బ్రెడ్‌ లా చేయండి.

*ఈ ఫ్లాట్ బ్రెడ్ ను మీరు కోరుకున్న ఆకారంలో కట్ చేసి, బంగారు గోధుమ రంగు వచ్చేవరకు పాన్‌లో వేయించండి. ఈ క్రంచీ మీథే పారేను సర్వ్ చేయండి.