తెలుగు వారికి అత్యంత ఇష్టమైన గారెల్లో ఒక రకమైన అల్లం గారెలు తయారీ విధానం

తెలుగువారికి ఇష్టమైన వంటకాలలో గారెలు కూడా ఒకటి. పండుగలు లేదా ప్రత్యేక సందర్భాల్లో కచ్చితంగా గారెలు ఉండాల్సిందే. గారెలలో అల్లం గారెలు ఒకరకం. ఇవి తయారు చేయడం కూడా చాలా సులభం. కొబ్బరి చెట్నీతో కానీ,సాంబార్‌తో కానీ ఈ గారెలు తింటే చాలా బాగుంటాయి. వర్షాకాలంలో సాయంత్రం సమయాల్లో తినే స్నాక్స్‌గా ఈ గారెలు చక్కగా నప్పుతాయి. మరి వీటిని ఎలా తయారు చేయాలో చూద్దాం...

కావాల్సిన పదార్ధాలు

మినప్పప్పు - 2 కప్పులు, అల్లం ముద్ద - 2 టీస్పూన్లు, పచ్చిమిర్చి - నాలుగు, జీలకర్ర - 2 టీస్పూన్లు, మిరియాలు - అర టీస్పూను , ఎండుకొబ్బరి తురుము - టీస్పూను, ఉప్పు - 2 టీస్పూన్లు, లవంగాలు - రెండు, దాల్చినచెక్క - చిన్న ముక్క, నూనె - వేయించడానికి సరిపడా

తయారీ విధానం

1. అల్లం గారెల తయారుచేసుకోవడానికి.. ముందుగానే మినప్పప్పుని నానబెట్టుకోవాలి.

2. మినప్పప్పు మినహా మిగిలినవన్నీ వేసి బాగా రుబ్బుకోవాలి. తర్వాత అందులోనే మినప్పప్పు కూడా వేసి రుబ్బాలి.

3. ఇలా రుబ్బుకున్న మిశ్రమాన్ని కొద్దికొద్దిగా తీసుకుని గారెల మాదిరిగా చేసి.. మరిగిన నూనెలో వేయించి తీయాలి.

4. అంతే వేడివేడిగా ఘూటుఘూటుగా ఉండే అల్లం వడలు రెడీ అయినట్లే..

5. ఏ చట్నీతో అయినా ఈ గారెలను లాగించొచ్చు. ఇంకెందుకు ఆలస్యం మీరు కూడా ట్రై చేయండి