ఇంటి పైకప్పుతోనే సులభంగా లక్షాధికారి కావొచ్చు...

మీ ఇంటి పైకప్పు ఖాళీగా ఉంటే మీకు డబ్బు సంపాదించే ఛాన్స్ ఉన్నట్లే. ఒక అదిరిపోయే బిజినెస్ ఐడియా అందుబాటులో ఉంది. దీని ద్వారా మీరు సులభంగానే లక్షాధికారి కావొచ్చు. ఇంట్లో నుంచి డబ్బు సంపాదించొచ్చు. మీరు దీని కోసం పెద్దగా ఇన్వెస్ట్ చేయాల్సిన పని కూడా లేదు. అయితే కొంత కేర్ మాత్రం తీసుకోవాలి. ఇప్పుడు ఈ బిజినెస్ ఎలా స్టార్ట్ చేయాలో తెలుసుకుందాం. సోలార్ ప్యానెల్ ప్లాంటు ఏర్పాటు ద్వారా రాబడి పొందొచ్చు. కేంద్ర ప్రభుత్వం కూడా సోలార్ ఎనర్జీని ప్రోత్సహిస్తోంది.

మీరు కూడా మీ ఇంటి పైకప్పుపై సోలార్ ప్యానెల్స్‌ను ఏర్పాటు చేసుకోవచ్చు. దీంతో మీకు కరెంట్ బిల్లు ఆదా అవ్వడంతోపాటు రాబడి కూడా లభిస్తుంది. కేవలం సోలార్ ప్యానెల్స్ ద్వారా మాత్రమే కాకుండా టెర్రస్ ఫార్మింగ్ ద్వారా కూడా డబ్బులు సంపాదించొచ్చు. ఇవి రెండే కాకుండా మీ ఇంటి రూఫ్ ఖాళీగా ఉంటే దీన్ని మొబైల్ కంపెనీలకు కూడా రెంట్‌కు ఇవ్వొచ్చు. మొబైల్ టవర్ ఇన్‌స్టాలేషన్ ద్వారా మీకు కూడా రాబడి వస్తుంది. ప్రతి నెలా అద్దె వస్తుంది. దీని కోసం మీరు మున్సిపల్ కార్పొరేషన్ నుంచి అనుమతి తీసుకోవాలి. మీకు డబ్బులు సంపాదించడానికి మరో ఆప్షన్ కూడా అందుబాటులో ఉంది. మీ ఇల్లు మంచి సెంటర్‌లో ఉండి దూరం నుంచి కూడా బాగా కనిపిస్తూ ఉంటే హోర్డింగ్స్ ద్వారా కూడా డబ్బులు పొందొచ్చు. అడ్వర్టైజింగ్ కంపెనీలు మీ ఇంటి రూఫ్‌పై హోర్డింగ్స్ పెట్టుకొని మీకు డబ్బులు అందిస్తాయి.