డ్రెయినేజీలో ప‌డ్డ మ‌హిళ... మృత‌దేహం అరేబియా స‌ముద్రంలో

రెండు రోజుల క్రితం ముంబైలోని ఘాట్‌కోప‌ర్‌లో 32 ఏళ్ల మ‌హిళ డ్రెయినేజీలో ప‌డిపోయింది. అయితే ఆమె మృత‌దేహం అరేబియా స‌ముద్రంలో క‌నిపించింది.

డ్రెయినేజీ నుంచి 20 కిలోమీట‌ర్ల దూరంలో ఉన్న హ‌జి అలీ ద‌ర్గా తీరంలో ఆ మ‌హిళ మృత‌దేహం ల‌భించిన‌ట్లు పోలీసులు పేర్కొన్నారు. భారీ వ‌ర్షాల వ‌ల్ల వ‌ర‌ద‌లు రావ‌డంతో అస‌ల్ఫా వ‌ద్ద ఉన్న డ్రెయినేజీలో అనుకోకుండా ఆ మ‌హిళ ప‌డిపోయింది.

ఘాట్‌కోప‌ర్ పోలీసు స్టేష‌న్‌లో స‌ద‌రు మ‌హిళ మిస్సైన‌ట్లు కేసు న‌మోదు చేశారు. మృత‌దేహానికి ఉన్న దుస్తులు, ఆభ‌ర‌ణాల ఆధారంగా ఆ మ‌హిళ‌ను కుటుంబీకులు గుర్తించారు. హ‌జీ అలీ ద‌ర్గా లోట‌స్ పాయింట్ వ‌ద్ద మ‌హిళ మృత‌దేహం ల‌భించిన‌ట్లు టార్డియో పోలీసు స్టేష‌న్ సీనియ‌ర్ ఇన్‌స్పెక్ట‌ర్ ఫిరోజ్ భ‌గ‌వాన్ తెలిపారు.