సన్రైజర్స్ ఓటమికి కారణ౦?
By: chandrasekar Mon, 05 Oct 2020 11:55 AM
షార్జా వేదికగా ముంబై
ఇండియన్స్తో జరిగిన మ్యాచ్లో సన్రైజర్స్ హైదరాబాద్ ఓడిపోయి౦ది. 209
పరుగుల భారీ లక్ష్యంతో బరిలో దిగిన సన్రైజర్స్.. 174 పరుగులకే పరిమితమైంది.
చెన్నై సూపర్ కింగ్స్తో జరిగిన మ్యాచ్లో గాయపడిన భువనేశ్వర్ కుమార్ ఈ మ్యాచ్కు
దూరం కావడం హైదరాబాద్ జట్టుపై తీవ్ర ప్రభావం చూపింది. ఈ మ్యాచ్లో సన్రైజర్స్
ఓటమికి ప్రధాన కారణం భువనేశ్వర్ ఆడకపోవడమే. సందీప్ శర్మ, నటరాజన్
చక్కగా బౌలింగ్ చేయగా ఈ సీజన్లో తొలి
మ్యాచ్ ఆడిన సిద్ధార్థ్ కౌల్ రెండు వికెట్లు తీసినప్పటికీ.. 64
పరుగులు ఇచ్చాడు. ఆఖరి ఓవర్ వేసిన కౌల్
రెండో బంతికి హార్దిక్ పాండ్య వికెట్ తీశాడు. కానీ అతడి స్థానంలో బ్యాటింగ్కు
వచ్చిన కృనాల్ పాండ్య.. చివరి నాలుగు బంతులను 6,4,4,6 గా ఆడాడు. దీంతో ఆ ఓవర్లో ఏకంగా 21
పరుగులు వచ్చాయి. దీంతో ముంబై ఇండియన్స్ 200కిపైగా పరుగులు చేసింది.
ఇషాన్ కిషన్ ఇచ్చిన
క్యాచ్ను అద్భుతంగా డైవ్ చేసి అందుకున్న మనీష్ పాండే.. అబ్దుల్ సమద్ బౌలింగ్లో
డికాక్ ఇచ్చిన క్యాచ్ను వదిలేసాడు. అప్పటికీ డికాక్ 23 రన్స్
మాత్రమే చేశాడు. లైఫ్ రావడంతో చెలరేగిన డికాక్.. 67 పరుగులతో టాప్ స్కోరర్గా
నిలిచాడు.
భారీ లక్ష్యంతో బరిలో
దిగిన సన్రైజర్స్ కీలక సమయాల్లో బెయిర్స్టో, మనీష్ పాండే వికెట్లను కోల్పోయింది. మనీష్ పాండే మరో 4
ఓవర్లు క్రీజులో ఉండి ఉంటే బాగుండేది. పాండే స్థానంలో బ్యాటింగ్కు వచ్చిన
విలియమ్సన్ బౌల్ట్ విసిరిన స్లో బాల్ను
బ్యాక్ సైడ్ కట్ చేసే క్రమంలో వికెట్ కీపర్ డికాక్కు క్యాచ్ ఇచ్చి ఔటయ్యాడు.
భారీ లక్ష్యాన్ని చేధించే
క్రమంలో వార్నర్కు మిగతా బ్యాట్స్మెన్ నుంచి పెద్దగా సహకారం లభించలేదు. మిడిల్
ఓవర్లలో సన్రైజర్స్ బ్యాట్స్మెన్ పరుగులు చేయడానికి ఇబ్బంది పడ్డారు.
ఆఖరి వరకూ క్రీజ్లో
నిలిస్తే విజయం సాధించొచ్చనే ధీమాతో పట్టుదలతో ఆడాడు. కానీ సాధించాల్సిన రన్రేట్
పెరుగుతుండటంతో ప్యాటిన్సన్ బౌలింగ్లో ఔటయ్యాడు. వార్నర్ ఇచ్చిన క్యాచ్ను ఇషాన్ కిషన్
గాల్లోకి డైవ్ చేస్తూ అద్భుతంగా అందుకున్నాడు. దీంతో సన్రైజర్స్ విజయంపై ఆశలు
వదిలేసుకుంది. సిద్ధార్థ్ కౌల్ భారీగా పరుగులు ఇచ్చుకోవడం బ్యాట్స్మెన్ స్థాయికి
తగ్గట్టు ఆడలేకపోవడమే ఈ మ్యాచ్లో సన్రైజర్స్ ఓటమికి ప్రధాన కారణం కావచ్చు.