ధర రూ.1,000 తగ్గిన వివో ఎస్1 ప్రో స్మార్ట్ ఫోన్
By: chandrasekar Sat, 04 July 2020 3:51 PM
వివో ఎస్1 ప్రో
స్మార్ట్ ఫోన్ ధర భారత్ లో రూ.1,000 తగ్గింది. దీంతో ఈ ఫోన్ ధర ప్రస్తుతం రూ.19,990గా ఉంది. జీఎస్టీ పెంపు కారణంగా వివో ఎస్1 ప్రో ధర ఏప్రిల్ లో ఒకసారి పెరిగింది. ఈ ఫోన్
మనదేశంలో జనవరిలో లాంచ్ అయింది. వెనకవైపు డైమండ్ ఆకారంలో ఉన్న నాలుగు కెమెరాలను
ఇందులో అందించారు. ఇందులో ఇన్ డిస్ ప్లే ఫింగర్ ప్రింట్ సెన్సార్ ను అందించారు. ఈ
ఫోన్ మూడు రంగుల్లో అందుబాటులో ఉంది.
పోకో ఎక్స్2, రియల్
మీ ఎక్స్3, ఒప్పో
ఎఫ్15
స్మార్ట్ ఫోన్ లకు ఈ ఫోన్ పోటీ ఇవ్వనుంది. ఈ ఫోన్ లాంచ్ అయినప్పుడు దీని ధర రూ.19,990గా ఉంది. మార్చిలో దీని ధర రూ.1,000 తగ్గింది. దీంతో ఈ ఫోన్ ధర రూ.18,990కు పెరిగింది. అనంతరం ఏప్రిల్ లో జీఎస్టీ పెంపు కారణంగా రూ.20,990కు పెరిగింది. ఇప్పుడు మళ్లీ ధర తగ్గి రూ.19,990కు వచ్చింది. వివో ఎస్1 ప్రోలో 6.38
అంగుళాల ఫుల్ హెచ్ డీ+ సూపర్ అమోఎల్ఈడీ డిస్ ప్లేను అందించారు. డిస్ ప్లే
యాస్పెక్ట్ రేషియో 19.5:9గా ఉంది. క్వాల్ కాం స్నాప్ డ్రాగన్ 665
ప్రాసెసర్ ను ఈ ఫోన్ లో అందించారు.
దీంతోపాటు 8 జీబీ
ర్యామ్ కూడా ఇందులో ఉంది. ఆండ్రాయిడ్ 9
Pie ఆధారిత ఫన్ టచ్ ఓఎస్ 9.2పై ఈ స్మార్ట్ ఫోన్
పనిచేయనుంది. స్టోరేజ్ సామర్థ్యం 128 జీబీగా ఉంది. దీన్ని 256 జీబీ వరకు పెంచుకోవచ్చు.
ఈ స్మార్ట్ ఫోన్ లో వెనకవైపు నాలుగు కెమెరాలను అందించారు. ఇందులో ప్రధాన కెమెరా
సామర్థ్యం 48 మెగా పిక్సెల్ కాగా, 8 మెగా పిక్సెల్ వైడ్
యాంగిల్ సెన్సార్, 2 మెగా పిక్సెల్ సామర్థ్యమున్న మాక్రో లెన్స్, 2 మెగా
పిక్సెల్ సామర్థ్యమున్న మరో సెన్సార్లు కూడా అందించారు.
సెల్ఫీ ప్రియుల కోసం
ముందువైపు 32 మెగా పిక్సెల్ కెమెరా ఉంది. ఇందులో ఇన్ డిస్ ప్లే
ఫింగర్ ప్రింట్ సెన్సార్ ఫీచర్ కూడా ఉంది. 4,500 సామర్థ్యమున్న బ్యాటరీని ఇందులో అందించారు. 18W ఫాస్ట్
చార్జింగ్ ను ఈ స్మార్ట్ ఫోన్ సపోర్ట్ చేస్తుంది. కనెక్టివిటీ విషయానికి వస్తే.. 4జీ
వోల్టే, వైఫై(డ్యూయల్
బ్యాండ్), జీపీఎస్/ఏ-జీపీఎస్, బ్లూటూత్
5.0, గ్లోనాస్, బైదు
వంటి ఫీచర్లు ఉన్నాయి. ఈ స్మార్ట్ ఫోన్ 15.92 సెంటీమీటర్ల పొడవు, 7.51 సెంటీమీటర్ల వెడల్పు, 0.86 సెంటీమీటర్ల మందం ఉంది. ఈ ఫోన్ బరువు 186.7 గ్రాములు.