కరోనా వైరస్ కి ముక్కు ద్వారా పీల్చే వాక్సిన్
By: chandrasekar Mon, 12 Oct 2020 8:44 PM
కరోనా వల్ల మొత్తం
ప్రపంచమే మందులు లేక వ్యాధి బారినుండి బయట పడలేక మరణిస్తున్నారు. ప్రస్తుతం దీనిని
అరికట్టడానికి ముక్కు ద్వారా పీల్చే వాక్సిన్ పై శాస్త్రవేత్తలు ద్రుష్టి
సారించారు. ప్రపంచవ్యాప్తంగా కరోనా వైరస్ కట్టడికి వ్యాక్సిన్ ప్రయోగాలు చివరి
దశకు చేరుకుంటున్నాయి. ఇంజెక్షన్ రూపంలో ఇచ్చే వ్యాక్సిన్ వల్ల ముక్కు, నోటిపై
దాడి చేసే వైరస్ నుంచి రక్షించగలదా? అనే అంశంపై పరిశోధకులు దృష్టిసారించారు. ప్రస్తుతం
అభివృద్ధి చేస్తున్న టీకాల్లో ఎక్కువ శాతం రెండు డోస్లు అవసరమవుతున్నట్టు మానవ
క్లినికల్ ట్రయల్స్లో నిర్ధారణ అవుతున్నాయి. అయినా ఇవి మహమ్మారిని సమర్ధంగా
నిరోధిస్తాయో లేదో తెలియదు. వైరస్ దాడి చేసే శ్వాస వ్యవస్థ కణాలను లక్ష్యంగా
చేసుకునే పీల్చే వ్యాక్సిన్లతో సమర్థవంతమైన రోగనిరోధక ప్రతిస్పందన ఉంటుందని
శాస్త్రవేత్తలు భావిస్తున్నారు. ప్రస్తుతం అమెరికా, బ్రిటన్, హాంకాంగ్
శాస్త్రవేత్తలు ముక్కు ద్వారా పీల్చే వ్యాక్సిన్ కోసం కృషిచేస్తున్నాయి. ఆంక్షలు
లేకుండా ఆర్ధిక వ్యవస్థలు పుంజుకుని, ప్రజల సాధారణంగా కార్యక్రమాల్లో పాల్గొనడంలో ముఖ్య
పాత్ర పోషిస్తుంది.
కరోనా వైరస్ పూర్తిగా
ముక్కు మరియు నోటి ద్వారా వ్యాపించడం వల్ల దీనిని కట్టడి చేయడానికి ముక్కు ద్వారా
వాక్సిన్ అందించే పరిశోధనలు చేపట్టారు. వైరస్ ముక్కులో పెరగకుండా నిరోధించడం వల్ల
శరీరంలోని మిగిలిన భాగాలకు, ఇతర వ్యక్తులకు వ్యాపించకుండా అడ్డుకోవచ్చు. అలబామా
యూనివర్సిటీకి చెందిన పరిశోధకుడు ఫ్రాన్సిన్ లాండ్ మాట్లాడుతూ.. యూనివర్సిటీ ఆఫ్
అలబామా, అల్టిమ్యూనీ
బయోటెక్ సంయుక్తంగా ముక్కు ద్వారా వ్యాక్సిన్ కోసం పనిచేస్తున్నాయని, ఇది
ప్రారంభ దశలోనే ఉన్నాయని అన్నారు. వ్యవస్థాత్మకంగా పంపిణీ చేసిన వ్యాక్సిన్ల కంటే
దీనికి కొన్ని అదనపు ప్రయోజనాలు ఉంటాయని వ్యాఖ్యానించారు. చాలా వరకు వ్యాక్సిన్
డెవలపర్లు ఇంజెక్షన్లపై దృష్టి సారించారు. ఇది ప్రపంచాన్ని వ్యాధి నుంచి వేగంగా
రక్షించే మార్గంగా కనిపిస్తుంది. శ్వాసకోశ టీకా అభివృద్ధిచేసే పరిశోధకులు
శ్లేష్మంతో కప్పిన ఊపిరితిత్తులు, ముక్కు, గొంతులో కొన్ని ప్రత్యేక లక్షణాలను లెక్కిస్తున్నారు.
ముక్కు ద్వారా తీసికోవడం
వల్ల దీని ప్రభావం ఊపిరితిత్తులపై అధికంగా ఉంటుందని తెలిపారు. ఈ కణజాలంలో IgA పిలిచే అధిక స్థాయి
రోగనిరోధక ప్రోటీన్లు ఉంటాయి. ఇవి శ్వాసకోశ వైరస్ల నుంచి సమర్ధంగా రక్షిస్తాయి.
రోగనిరోధక వ్యవస్థను యాక్టివేట్ చేయడం వల్ల సార్స్-కోవి-2 నష్టం
కలిగించే ఊపిరితిత్తుల్లోని పలు విభాగాలను రక్షించగలదని నిర్ధారించారు. అలాగే
మహమ్మారిని కూడా నిరోధించే అవకాశాలను కూడా మెరుగుపడతాయని తేల్చారు. ‘మొదటి తరం
టీకాలు చాలా మందిని రక్షించబోతున్నాయి’ అని వాషింగ్టన్ యూనివర్సిటీకి చెందిన అంటు
వ్యాధి నిపుణుడు మైఖేల్ డైమండ్ అన్నారు. కానీ ఇది రెండు, మూడో
తరం టీకా ముక్కు ద్వారా ఇచ్చే టీకా దీనికి ఒక ముఖ్య భాగం చివరికి ఇది అవసరం
ఎక్కువుగా ఉందని, లేకపోతే, సామూహిక వ్యాప్తి కొనసాగుతుందని వ్యాఖ్యానించారు. మరి
ఇది ఎంతవరకు కరోనా ని కట్టడి చేస్తుందో చూడాలి.