పవన్ కళ్యాణ్ దేశభక్తి
By: Dimple Sun, 30 Aug 2020 11:53 PM
ప్రముఖ సినీ నటుడు, జనసేన అధినేత పవన్ కళ్యాణ్కు దేశభక్తి ఎక్కువ. సినిమాలు, రాజకీయాల్లో తులముకలైన ఉన్నా.. దేశానికి సంబంధించి స్ఫూర్తి కలించే పోస్టులను సామాజిక మాధ్యమాల ద్వారా ఎప్పటికప్పుడు పంచుకుంటారు. తాజాగా ఆదివారం ‘‘మన మాతృభూమి గొప్పదనం ఇదీ..’’ అని ట్వీట్ చేస్తూ సోషల్ మీడియాలో వైరల్ అవుతున్న ఓ వీడియోను పోస్టు చేశారు.ఇటీవలే పక్కనే ఉన్న కర్ణాటక రాష్ట్రంలోని బెంగళూరులో ఓ గుడి వద్ద అల్లర్లు జరిగిన విషయం తెలిసిందే.
ఈ క్రమంలో స్థానిక దేవాలయం దగ్గర ముస్లింలు మానవహారంలా నిలబడి గుడికి ఎలాంటి నష్టం వాటిల్లకుండా ఆపేందుకు ప్రయత్నించారు. ఆ వీడియోను పవన్ కళ్యాణ్ ఇప్పుడు తన సోషల్ మీడియా ద్వారా పంచుకున్నారు. మరోవైపు పవన్ కళ్యాణ్ పుట్టిన రోజు సెప్టెంబర్ 2న కావడంతో పవన్ అభిమానులు అప్పుడే కోలాహలం మొదలుపెట్టారు. ఇందులో భాగంగా పవన్ కళ్యాణ్ పుట్టిన రోజు పురస్కరించుకుని జనసేన నాయకుడు తోట సాయి జనసేనపై ప్రత్యేక గీతాన్ని రూపొందించారు.
ఈ పాటను జనసేన నాయకుడు పోతిన మహేష్ విడుదల చేశారు. ఈ సందర్భంగా పోతిన మహేష్ మాట్లాడుతూ.. ఒక్క చాన్స్ అడిగిన వ్యక్తికి ఎందుకు ఓటు వేశామా? అని ప్రజలు ఇప్పుడు బాధ పడుతున్నారన్నారు. రాష్ట్రంలో ఎక్కడ పడితే అక్కడ దళితులపై అరాచకాలు జరుగుతున్నాయని మహేష్ ఆగ్రహం వ్యక్తం చేశారు. ఇదేంటని ప్రశ్నిస్తే నియంతృత్వ పోకడలతో అరెస్ట్లు చేస్తున్నారని దుయ్యబట్టారు.
ఐపీఎల్ కు ముందుగా దుమ్మురేపుతున్న పొల్లార్డ్
వెస్టిండీస్ ఆల్రౌండర్ కీరోన్ పొలార్డ్ వీరోచిత ఇన్నింగ్స్తో అదరగొట్టాడు. కరీబియన్ ప్రీమియర్ లీగ్(సీపీఎల్)లో భాగంగా ట్రిన్బాగో నైట్రైడర్స్కు కెప్టెన్గా వ్యవహరిస్తున్న పొలార్డ్ బౌండరీల మోత మోగించి జట్టుకు గొప్ప విజయాన్ని అందించాడు. బార్బోడాస్ ట్రిడెంట్స్తో శనివారం జరిగిన మ్యాచ్లో పొలార్డ్ 28 బంతుల్లో 9 సిక్సర్లు, 2 ఫోర్లతో 72 పరుగులు చేసి ఓటమి ఖాయమనుకున్న జట్టుకు విజయం సాధించిపెట్టాడు. ఇది కదా కెప్టెన్సీ ఇన్నింగ్స్ అన్న చందంగా సాగిన పొలార్డ్ ఇన్నింగ్స్తో నైట్రైడర్స్ జట్టు రెండు వికెట్ల తేడాతో గెలిచింది. ఈ మ్యాచ్లో తొలుత బ్యాటింగ్ చేసిన బార్బోడాస్ జట్టు నిర్ణీత 20 ఓవర్లలో ఏడు వికెట్లకు 148 పరుగులు చేసింది. అనంతరం 149 పరుగుల విజయ లక్ష్యంతో బ్యాటింగ్ ఆరంభించిన నైట్రైడర్స్ 62 పరుగులకే ఐదు వికెట్లు కోల్పోయి కష్టాల్లో పడింది.
మరో 15 పరుగుల వ్యవధిలో లెండి సిమ్మన్స్(32) ఔట్ కావడంతో జట్టు భారం పొలార్డ్పై పడింది. తనపై పెట్టుకున్న అంచనాలకు తగ్గట్టే ఏడో స్థానంలో బ్యాటింగ్కు వచ్చిన పొలార్డ్ ఆది నుంచి బార్బోడాస్ బౌలర్లకు చుక్కలు చూపించాడు. కొడితే సిక్స్ అయినా కావాలి.. లేకపోతే ఫోర్ అయినా కావాలి అన్న విధంగా సాగింది పొలార్డ్ ఆట. పరిస్థితులకు తగ్గట్టు బ్యాట్ ఝుళిపిస్తూ నైట్రైడర్స్ స్కోరును పరుగులు పెట్టించాడు. 17 ఓవర్లో నాలుగు సిక్సర్లు కొట్టి ఒక్కసారిగా నైట్రైడర్స్లో ఊపుతెచ్చాడు. యువ ఆఫ్ స్పిన్నర్ హేడెన్ వాల్ష్ బౌలింగ్లో సిక్సర్లతో దుమ్మురేపాడు. ఆ తర్వాత ఓవర్లో రెండు బౌండరీలు కొట్టి హాఫ్ సెంచరీ పూర్తి చేసుకున్నాడు. హాఫ్ సెంచరీని 22 బంతుల్లో పూర్తి చేసుకున్న పొలార్డ్.. చివరి ఓవర్ రెండో బంతికి అనవసరపు పరుగు కోసం యత్నించి రనౌట్ అయ్యాడు.
అప్పటికి నైట్రైడర్స్ స్కోరు 141. దాంతో నైట్రైడర్స్ నాలుగు బంతుల్లో ఎనిమిది పరుగులు చేయాల్సి రావడంతో ఖారీ పీర్ బ్యాట్కు పని చెప్పి ఇంకా బంతి ఉండగానే విజయంలో భాగమయ్యాడు. ఆ చివరి ఓవర్ మూడో బంతికి సీల్స్ సింగిల్ తీయగా, నాల్గో బంతిని పీర్ సిక్స్ కొట్టాడు. ఒక ఆఖరి బంతికి పీర్ సింగిల్ తీయడంతో నైట్రైడర్స్ గెలుపును అందుకుంది. ఇది నైట్రైడర్స్కు వరుసగా ఆరో విజయం. ఇప్పటివరకూ ఒక్క మ్యాచ్ కూడా ఓడిపోని నైట్రైడర్స్ పాయింట్ల పట్టికలో అగ్రస్థానంలో కొనసాగుతోంది.