మరోసారి తన మంచి మనసును చాటుకున్న సోనూసూద్
By: chandrasekar Tue, 06 Oct 2020 5:38 PM
సోనూ సూద్
కరోనావైరస్ సంక్రమణ ను నిర్మూలించడానికి
భారత ప్రభుత్వం లాక్ డౌన్ విధించడంతో ఇబ్బంది పడ్డ వేలాది మంది వలస కూలీలకు సాయం
చేసి ప్రపంచ వ్యాప్తంగా మంచి పేరు సంపాదించాడు. అదే సమయంలో విద్యార్థులకు కూడా
తగిన విధంగా సాయం చేసి గురువుగా మార్గదర్శనం చేశాడు.
దాంతో పాటు ట్విట్టర్ లో
ఎంతో మంది సాయం కోరగా వారికి వెంటనే సాయం చేసి కలియుగ దేవుడిగా మారాడు. ఇటీవలే ఒక
తెలుగు సినీ పరిశ్రమ మేనేజర్ కు కూడా సాయం చేశాడు సోనూ. తన పిల్లాడికి హార్ట్
ప్రాబ్లమ్ ఉంది అని సుబ్బారావు అనే వ్యక్తి ట్వీట్ చేసి సాయం కోరాగా వెంటనే
స్పందించిన సోనూ ఆపరేషన్ కు ఏర్పాట్లు చేశానన్నాడు.
సోనూసూద్ గారు, నా
పేరు ఎంవి సుబ్బరావు నేను తెలుగు సినిమా మేనేజర్. నా కుమారుడికి హార్ట్ ప్రాబ్లమ్
ఉంది. సర్జరీ చేయాలని వైద్యులు చెప్పారు. నా దగ్గర డబ్బు లేదు సార్ దయచేసి సాయం చేయండి. నా పిల్లాడిని కాపాడండి
అని ట్వీట్ చేశాడు సుబ్బారావు.
ఆ ట్వీట్ కు రిప్లై
ఇచ్చిన సోనూ సూద్.. పని అయిపోయింది... బుధవారం మీ పిల్లాడికి చెకప్
ఉంటుంది....గురువారం ముంబైలోని SRCC
ఆసుపత్రిలో చికిత్స చేయిస్తాను...గాడ్ బ్లెస్ యూ అని
ట్వీట్ చేశాడు. ఇటీవలే ఐక్యరాజ్య సమితి
సోనూసూద్ కు అవార్డు కూడా అందించిన విషయం తెలిసిందే. కాగా సోనూ సూద్ మంచి మనసును అందరూ తెగ
పొగిడేస్తున్నారు.