ఇక జేఈఈ , నీట్ విద్యార్థుల కోసం రంగంలోకి దిగుతున్న రియల్ హీరో సోను సూద్

కరోనా మహమ్మారి లాక్ డౌన్ కారణంగా ఇబ్బందులు ఎదుర్కొంటున్న చాల మందికి నేను ఉన్నాను అంటూ ఆదుకున్నవ్యక్త్తో నటుడు సోను సూద్..గత నాలుగు నెలలుగా లెక్కకు కూడా అందనంత స్థాయిలో కష్టాల్లో ఉన్న వారికి సేవ చేస్తూ అసలు ఇతడు మనిషా లేక దేవుడా అనేంతలా చేస్తున్నాడు..అయితే ఇప్పుడు జేఈఈ , నీట్ ఎగ్జామ్స్ రాసె విద్యార్థుల కోసం సహాయం చేయడానికి నడుం బిగించాడు..

ఈ పరీక్షల నిర్వహణపై తీవ్ర వ్యతిరేకత వెల్లువెత్తుతున్నప్పటికీ షెడ్యూల్ ప్రకారమే పరీక్షలను నిర్వహించి తీరుతామని నేషనల్ టెస్టింగ్ ఏజెన్సీ కరాఖండిగా తేల్చి చెప్పింది. దీంతో విద్యార్థులకు అండగా నిలిచేందుకు నిర్ణయించుకున్న సోనూ సూద్ అందుకు తగిన ఏర్పాట్లు చేయనున్నారు.

ఒకవైపుకోవిడ్-19 రిస్క్, మరోవైపు తండ్రి పేదరికం, లోన్ల బెడద తదితర ఆర్థిక కష్టాల నేపథ్యంలో చాలాదూరంలో ఉన్న పరీక్ష కేంద్రానికి ఎలా వెళ్లాలి.. దయచేసి సాయం చేయండి అంటూ కన్నీరు మున్నీరవుతున్న విద్యార్థి ఆవేదనను సోనూ షేర్ చేశారు. ఈ నేపథ్యంలోనే సోనూ సూద్ తాజా నిర్ణయం తీసుకున్నారు.

నీట్, జేఈఈ పరీక్షల నిర్వహణ ఖాయమైతే..ఆయా ప్రాంతాల విద్యార్థులు పరీక్షా కేంద్రాలను చేరుకోవడానికి కావల్సిన రవాణా సౌకర్యాన్ని ఏర్పాటు చేసేందుకు సన్నద్ధమవుతున్నారు. ముఖ్యంగా బిహార్, అస్సాం, గుజరాత్ లోని వరద బాధిత ప్రాంతాలలో పరీక్షకు హాజరు కానున్న విద్యార్థులందరికీ నేనున్నాంటూ భరోసా ఇచ్చారు. బాధిత విద్యార్థులు దీనికి సంబంధించిన సమాచారాన్ని తనకు అందించాలని, ఏ ఒక్కరు కూడా ఈ పరీక్ష మిస్ కావడానికి వీల్లేదని ట్వీట్ చేశారు