రష్యన్ స్టర్జన్, అమెరికన్ పాడిల్ ఫిష్ యొక్క హైబ్రిడ్ 'స్టర్డిల్ ఫిష్'
By: chandrasekar Thu, 23 July 2020 11:21 AM
హంగేరి శాస్త్రవేత్తలకు
ఏదో చేయాలని ప్రయత్నిస్తే మరోదే తయారైందంట. రెండు వేర్వేరు జాతుల చేపలను ఎలా
పెంచుకోవచ్చో అని పరిశోధన చేస్తుండగా అనుకోకుండా కొత్త రకం చేప పుట్టుకొచ్చిందంట.
ఈ విషయాన్ని హంగేరిలోని నేషనల్ అగ్రికల్చరల్ రీసెర్చ్ అండ్ ఇన్నోవేషన్ సెంటర్, రీసెర్చ్
ఇన్స్టిట్యూట్ ఫర్ ఫిషరీస్ అండ్ ఆక్వాకల్చర్ పరిశోధకులు వెల్లడించారు.
రష్యన్ స్టర్జన్, అమెరికన్
పాడిల్ ఫిష్ యొక్క హైబ్రిడ్ అయిన ఈ కొత్త చేపకు 'స్టర్డిల్ ఫిష్' అని
పేరుపెట్టారు. నిజానికి కొత్త చేపను సృష్టించాలని తాము ప్రయత్నించలేదని, అప్రయత్నంగానే
కొత్త జాతి చేప పుట్టుకొచ్చిందని శాస్త్రవేత్తలు చెప్తున్నారు. ఈ రెండు చేప జాతులు
జీవన శిలాజాలు కావడం విశేషం. ఈ చేప జాతులు 184 మిలియన్ సంవత్సరాల క్రితం జీవించిఉన్నట్లు
శాస్త్రవేత్తలు పేర్కొన్నారు.
ధృడమైన చేపలు
వంధ్యత్వానికి గురవుతాయని, అయినప్పటికీ 100 ఏండ్లకు పైగా జీవించగలవని శాస్త్రవేత్తలు తెలిపారు.
అసిపెన్సెరిడే, పాలియోడొంటిడే కుటుంబ జాతుల మధ్య ఇది మొదటి
విజయవంతమైన హైబ్రిడైజేషన్ అని శాస్త్రవేత్తలు జర్నల్ జీన్స్ లో ప్రచురించిన కొత్త
పరిశోధన వ్యాసంలో తెలిపారు.