కోల్కతా నైట్ రైడర్స్పై రాయల్ ఛాలెంజర్స్ బెంగళూరు విజయం
By: chandrasekar Thu, 22 Oct 2020 09:06 AM
కోల్కతా నైట్రైడర్స్
పై రాయల్ ఛాలెంజర్స్ బెంగళూరు సునాయాసంగా గెలిచింది. ఇప్పటి వరకు జరిగిన మ్యాచ్లలో
కోల్కతా తక్కువ స్కోర్ ని నోమోదు చేసింది. ఐపీఎల్ 2020 సీజన్లో తొలిసారి
మ్యాచ్ పూర్తిగా ఏకపక్షంగా ముగిసింది. కోల్కతా నైట్రైడర్స్తో అబుదాబి వేదికగా
బుధవారం రాత్రి జరిగిన మ్యాచ్లో రాయల్ ఛాలెంజర్స్ బెంగళూరు టీమ్ 8
వికెట్ల తేడాతో అలవోక విజయాన్ని అందుకుంది. మ్యాచ్లో తొలుత బ్యాటింగ్ చేసిన కోల్కతా
టీమ్ బెంగళూరు బౌలర్లు సిరాజ్(3),
చాహల్ (2/15),
వాషింగ్టన్ సుందర్ (1/14), నవదీప్ సైనీ (1/23) దెబ్బకి 8 వికెట్లు కోల్పోయి 84 పరుగులే చేయగలిగింది. ఆ
జట్టులో కెప్టెన్ ఇయాన్ మోర్గాన్ (30:
34 బంతుల్లో 3x4,
1x6) టాప్ స్కోరర్కాగా ఐదుగురు బ్యాట్స్మెన్లు సింగిల్
డిజిట్కే పరిమితమయ్యారు.
తరువాత కోల్కతా నైట్రైడర్స్
పై ఛేదనలో దేవ్దత్ పడిక్కల్ (25:
17 బంతుల్లో 3x4),
అరోన్ ఫించ్ (16:
21 బంతుల్లో 2x4),
కెప్టెన్ విరాట్ కోహ్లీ (18
నాటౌట్: 17
బంతుల్లో 2x4), గుర్కీరత్ సింగ్ మన్ (21
నాటౌట్: 26
బంతుల్లో 4x4) నిలకడగా ఆడటంతో 13.3 ఓవర్లలోనే 85/2తో బెంగళూరు విజయాన్ని అందుకుంది. తాజా సీజన్లో 10వ
మ్యాచ్ ఆడిన బెంగళూరుకి ఇది ఏడో గెలుపుకాగా
14
పాయింట్లతో ఆ జట్టు నెం.2 స్థానానికి ఎగబాకింది. కోల్కతా ఐదో ఓటమితో నాలుగో
స్థానానికి పడిపోయింది. మ్యాచ్లో టాస్ గెలిచిన కోల్కతా కెప్టెన్ ఇయాన్ మోర్గాన్
బ్యాటింగ్ ఎంచుకున్నాడు. కానీ ఇన్నింగ్స్ రెండో ఓవర్లోనే రాహుల్ త్రిపాఠి (1), నితీశ్
రాణా (0) వికెట్లని
పడగొట్టిన మహ్మద్ సిరాజ్ ఆ జట్టుని ఒత్తిడిలోకి నెట్టేశాడు. సిరాజ్ అద్భుతంగా
బౌలింగ్ చేసాడు.
వరుస వికెట్ల వల్ల
వత్తిడి పెరిగింది. ఆ తర్వాత ఓవర్లో శుభమన్ గిల్ (1)ని నవదీప్ సైనీ బోల్తా
కొట్టించేయడంతో ఆ టీమ్ 3/3తో పీకల్లోతు కష్టాల్లో పడిపోయింది. ఈ దశలో
క్రీజులోకి వచ్చిన టామ్ బాంటన్ (10:
8 బంతుల్లో 1x4,
1x6) భారీ షాట్లు ఆడే సిరాజ్కి వికెట్ సమర్పించుకోగా
దినేశ్ కార్తీక్ (4: 14 బంతుల్లో) చాహల్ బౌలింగ్లో అతి జాగ్రత్తగా ఆడబోయే
మూల్యం చెల్లించుకున్నాడు. ఒక వైపు వికెట్లు పడుతున్నా మొండిగా క్రీజులో నిలిచిన
ఇయాన్ మోర్గాన్ ఆ టీమ్కి గౌరవమైన స్కోరు అందించేలా కనిపించాడు. కానీ అతని పోరాటం
ఫలించలేదు. ఆఖర్లో పాట్ కమిన్స్ (4) తేలిపోయినా కుల్దీప్ యాదవ్ (12: 19 బంతుల్లో 1x4), లూకీ ఫర్గూసన్ (19:
16 బంతుల్లో 1x4)
కాసేపు క్రీజులో నిలవడంతో కోల్కతా 84
పరుగులైనా చేయగలిగింది. లేకుంటే ఇంకా తక్కువ స్కోర్ కే అవుటయ్యేది.