విరుష్క జంటకు శుభాకాంక్షలు చెప్పిన రోహిత్ ..ఆనందంలో కోహ్లీ , రోహిత్ ఫాన్స్

తల్లిదండ్రులు కాబోతున్న టీమిండియా కెప్టెన్ విరాట్ కోహ్లీ, బాలీవుడ్ నటి అనుష్క శర్మలకి ఓపెనర్ రోహిత్ శర్మ తనదైన శైలిలో శుభాకాంక్షలు తెలియజేశాడు. అనుష్క శర్మ గర్భం దాల్చినట్లు సోషల్ మీడియా ద్వారా గురువారం ప్రకటించిన విరాట్ కోహ్లీ.. జనవరిలో తాము ముగ్గురం కాబోతున్నట్లు వెల్లడించాడు..

విరాట్ కోహ్లీ, రోహిత్ శర్మ మధ్య ప్రచ్ఛన్న యుద్ధం జరుగుతున్న సమయంలోనే.. ఇన్‌స్టాగ్రామ్‌లో రోహిత్ శర్మని అనుష్క శర్మ అన్‌ఫాలో చేసింది. నిమిషాల వ్యవధిలోనే రోహిత్ శర్మ కూడా అనుష్కని అనుసరించడం మానేశాడు. దాంతో.. కోహ్లీ, రోహిత్ మధ్య దూరం మరింత పెరిగింది అని రూమర్స్ వచ్చాయి..అయితే ఈ రూమర్స్ కి తగ్గట్లు వెస్టిండీస్ టూర్‌లో రోహిత్ శర్మని తుది జట్టు నుంచి తప్పించిన కోహ్లీ అతని స్థానంలో హనుమ విహారిని ఆడించాడు.

కానీ.. ఆ తర్వాత భారత్, దక్షిణాఫ్రికా మధ్య జరిగిన టెస్టు సిరీస్‌లో సెంచరీ, డబుల్ సెంచరీ బాదిన రోహిత్ శర్మ.. కోహ్లీతోనూ స్నేహంగా కనిపించాడు. దాంతో.. ఇద్దరి మధ్య వివాదం సద్దుమణిగింది అని అందరు భావించారు .. తాజాగా అనుష్క శర్మని తన ట్వీట్‌లో ప్రస్తావించడం ద్వారా తమ మధ్య ఇప్పడు ఎలాంటి భేదాభిప్రాయాలు లేవని పూర్తిగా రోహిత్ శర్మ స్పష్టం చేసినట్లయింది.