జులై 14వ తేదీన లాంచ్ కానున్న రియల్ మీ సీ11

జులై 14వ తేదీన ఈ ఫోన్ లాంచ్ కానుంది. రియల్ మీ సీ-సిరీస్ లో సీ11 ఫోన్ ను లాంచ్ చేయనున్నట్లు రియల్ మీ ఇప్పటికే ప్రకటించింది. ఇందులో వెనకవైపు డ్యూయల్ కెమెరా సెటప్, 5000 ఎంఏహెచ్ బ్యాటరీ వంటి ఫీచర్లను అందించారు.

వాటర్ డ్రాప్ నాచ్ తరహా డిస్ ప్లే, రివర్స్ చార్జింగ్ ఫీచర్ కూడా ఇందులో ఉంది. ఇందులో కొత్త తరహా బ్యాక్ ప్యానెల్ కూడా అందుబాటులో ఉండనుంది. రియల్ మీ సీ11 స్మార్ట్ ఫోన్ డిజిటల్ లాంచ్ కార్యక్రమం ద్వారా లాంచ్ కానుందని కంపెనీ తెలిపింది. జులై 14వ తేదీన మధ్యాహ్నం 1 గంటకు ఈ కార్యక్రమం జరగనుంది.

ఫేస్ బుక్, ట్వీటర్, యూట్యూబ్ ల్లో దీన్ని ప్రత్యక్షప్రసారం చూడవచ్చు. ఈ ఫోన్ మలేషియాలో ఇప్పటికే లాంచ్ అయింది. దీని ధరను ఇక్కడ మలేషియాలో 429 రింగెట్లుగా(సుమారు రూ.7,600) నిర్ణయించారు. ఇందులో కేవలం 2 జీబీ ర్యామ్ + 32 జీబీ స్టోరేజ్ వేరియంట్ మాత్రమే అందుబాటులో ఉంది. మింట్ గ్రీన్, పెప్పర్ గ్రే రంగుల్లో ఈ స్మార్ట్ ఫోన్ ను కొనుగోలు చేయవచ్చు. మనదేశంలో కూడా ఈ ధరలోనే లాంచ్ అయ్యే అవకాశం ఉంది.

రియల్ మీ సీ11 స్మార్ట్ ఫోన్ లో 6.5 అంగుళాల హెచ్ డీ+ డిస్ ప్లేను అందించారు. డిస్ ప్లే యాస్పెక్ట్ రేషియో 20:9గా ఉండగా, స్క్రీన్ టు బాడీ రేషియో 88.7 శాతంగా ఉంది. మీడియాటెక్ హీలియో జీ35 ప్రాసెసర్ పై ఈ స్మార్ట్ ఫోన్ పని చేయనుంది. ఇందులో వెనకవైపు రెండు కెమెరాలు ఉన్నాయి. 13 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలు ఇందులో అందించారు.

సెల్ఫీల కోసం 5 మెగా పిక్సెల్ కెమెరాను ముందువైపు అందించారు. దీని బ్యాటరీ సామర్థ్యం 5000 ఎంఏహెచ్ గా ఉంది. ఈ స్మార్ట్ ఫోన్ మలేషియా వేరియంట్ లో 32 జీబీ స్టోరేజ్ ను రియల్ మీ అందించింది. దీన్ని మైక్రో ఎస్ డీ కార్డు ద్వారా పెంచుకోవచ్చు. 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, మైక్రో యూఎస్ బీ, 3.5 ఎంఎం హెడ్ ఫోన్ జాక్ ఫీచర్లు కూడా ఇందులో ఉన్నాయి. దీని బరువు 196 గ్రాములు.