బాలీవుడ్ నటి అథియా శెట్టికి రాహుల్ బర్త్ డే విషెస్...

టీమిండియా క్రికెటర్, కింగ్స్ ఎలెవన్ పంజాబ్ కెప్టెన్ కేఎల్ రాహుల్ బాలీవుడ్ నటి అథియా శెట్టి పుట్టిన రోజు సందర్భంగా ఇన్‌స్టాగ్రామ్ ద్వారా ఆమెకు బర్త్ డే విషెస్ తెలిపాడు. అథియాతో కలిసి దిగిన ఫొటోను షేర్ చేసిన రాహుల్ ‘హ్యాపీ బర్త్ డే మ్యాడ్ చైల్డ్’ క్యాప్షన్‌, హార్ట్ ఎమోజీతో ఇన్‌స్టాగ్రామ్‌లో పోస్టు చేశాడు. అథియా రాహుల్ భుజం మీద తల ఆనించి కూర్చున్న ఈ ఫొటో సోషల్ మీడియాలో వైరల్ అయ్యింది. సునీల్ శెట్టి కూతురైన అథియా.. రాహుల్‌ గర్ల్ ఫ్రెండ్ అని చాలా కాలంగా ప్రచారం జరుగుతోంది. వీరిద్దరూ సన్నిహితంగా ఉన్న ఫొటోలు ఇది వరకు కూడా సోషల్ మీడియాలో వచ్చాయి. గత ఏడాది డిసెంబర్లో థాయ్‌లాండ్‌కు వెకేషన్ వెళ్లిన సమయంలో అథియాతో కలిసి దిగిన ఫొటోను రాహుల్ ఇన్‌స్టాలో పోస్టు చేశాడు.

రాహుల్ టెలిఫోన్లో మాట్లాడుతున్నట్లు పోజ్ ఇవ్వగా పక్కనే అథియా నవ్వుతూ కనిపించింది. ఈ ఫొటోకు సునీల్ శెట్టి సినిమా హెరా ఫెరీలోని ‘హలో, దేవి ప్రసాద్..?’ అనే క్యాప్షన్‌ను జత చేశారు.

రాహుల్ పుట్టిన రోజున ఇద్దరూ కలిసి దిగిన ఫొటోను ఇన్‌స్టాగ్రామ్ లో పోస్టు చేసిన అథియా.. హ్యాపీ బర్త్ డే మై పర్సన్ అంటూ రాహుల్‌కు బర్త్ డే విషెస్ తెలిపింది. నవంబర్ 5న అథియా 28వ ఏట అడుగుపెట్టింది.