తెలుగు రాష్ట్రాల సీఎంలపై ప్రశంసలు కురిపించిన ఆర్ నారాయణమూర్తి
By: Sankar Sun, 13 Dec 2020 10:18 PM
ఏపీలో సీఎం జగన్ తీసుకువస్తున్న పథకాలు అద్భుతమని కొనియాడారు సినీ హీరో ఆర్ నారాయణమూర్తి .. ముఖ్యంగా ఇంగ్లీష్- మీడియం విద్యను భవిష్యత్తు తరాలకు ఎంతో ఉపయోగపడుతుందని తెలిపారు.
ఉచిత ఇంగ్లీష్ మీడియం విద్య తీసుకు రావడం సీఎం జగన్ గొప్పతనమని పేర్కొన్నారు. అటు తెలంగాణ సీఎం కేసీఆర్పై ప్రశంసలు కురిపించారు ఆర్ నారాయణ మూర్తి. సీఎం కేసీఆర్ పూర్తి చేసిన కాళేశ్వరం ప్రాజెక్టు కీలక ఘట్టమని పేర్కొన్నారు. దేశంలో ఏ నాయకుడు చేయని పనులు సీఎం కేసీఆర్ చేశాడన్నారు.
ముఖ్యంగా రైతుబంధు కార్యక్రమం ఎంతో గొప్ప పథకమని పేర్కొన్నారు. ఇది ఇలా ఉండగా.. కేంద్ర ప్రభుత్వం తీసుకువచ్చిన రైతు చట్టాలపై కూడా ఆర్ నారాయణ మూర్తి స్పందించారు. వ్యవసాయాన్ని కార్పోరేట్ చేతుల్లో పెట్టడానికే కేంద్రం ప్రయత్నం చేస్తుందని ఫైర్ అయ్యారు.