మోస్ట్ వాంటెడ్ గ్యాంగ్స్టర్ ను సినీ ఫక్కీ లో పట్టుకున్న పోలీసులు
By: chandrasekar Fri, 13 Nov 2020 10:57 AM
మోస్ట్ వాంటెడ్ గ్యాంగ్స్టర్
ను సినీ ఫక్కీ లో పోలీసులు పట్టుకున్నారు. అన్న వస్తున్నాడంటూ గ్యాంగ్స్టర్
భార్యకి అతని అనుచరుడు చేసిన ఫోన్ కాల్ మోస్ట్ వాంటెడ్ క్రిమినల్ని అడ్డంగా బుక్
చేసింది. ఎప్పటి నుంచో అతని భార్య సీక్రెట్ నంబర్పై నిఘా పెట్టిన పోలీసులు సినిమా
స్టైల్లో యాక్షన్ సీన్ చేసి మరీ గ్యాంగ్స్టర్ని అరెస్టు చేశారు. దేశ రాజధాని
ఢిల్లీలో జరిగిన ఈ ఘటన సంచలనంగా మారింది. నెలల తరబడి పోలీసుల కళ్లుగప్పి
తిరుగుతున్న ఢిల్లీకి చెందిన గ్యాంగ్స్టర్ హషీమ్ బాబాను పోలీసులు ఎట్టకేలకు
అరెస్టు చేశారు. తెల్లవారుజామున 3 గంటల
సమయంలో గ్యాంగ్ స్టర్ హషీమ్ భార్య సీక్రెట్ ఫోన్ నంబర్కి ఫోన్ కాల్ వచ్చింది.
హషీమ్ అనుచరుడు ఫోన్ చేసి ఆమెను కలిసేందుకు అన్న వస్తున్నట్లు చెప్పాడు. అప్పటికే
ఆ ఫోన్ నంబర్పై నిఘా ఉంచిన పోలీసులకి సమాచారం అందడంతో వెంటనే హషీమ్ని
పట్టుకునేందుకు ప్రత్యేక టీమ్లు సిద్ధమయ్యాయి. అధునాతన తుపాకులతో హషీమ్ ఇంటిని
చుట్టుముట్టారు. అప్పటికే హషీమ్ ఇంట్లో ఉన్నట్లు గ్రహించిన పోలీసులు బయటికి
వచ్చేంత వరకూ వేచి చూశారు.
అక్కడ హషీమ్ ఇంట్లో నుంచి
సుమారు రెండు గంటల అనంతరం బయటికి వస్తున్న సమయంలో అతన్ని అదుపులోకి తీసుకునేందుకు
ప్రయత్నించారు. పోలీసులను గమనించిన హషీమ్ తన పిస్టల్ తీసి కాల్పులకు తెగబడడంతో
అప్రమత్తమైన పోలీసులు సినిమా స్టైల్లో యాక్షన్ సీన్ చేసి మరీ అతన్ని అదుపులోకి
తీసుకున్నారు. పోలీసు కాల్పుల్లో గాయపడిన హషీమ్ని అదుపులోకి తీసుకుని ఆస్పత్రికి
తరలించారు. హషీమ్ని రెండు వారాల్లోగా పట్టుకోవాలని ఢిల్లీ కమిషనర్ ఆదేశించడంతో
సీరియస్గా తీసుకున్న పోలీసు అధికారులు చెప్పిన గడువులోగా అరెస్టు చేసినట్లు
తెలుస్తోంది. ఈ రకంగా వల పన్ని అతని గురించి ఆచూకీ రావడంతో వెంటనే స్పందించడం వల్ల
అతనిని పట్టుకోగలిగారు. అతనిపై ఉంచిన నిఘా వల్ల అతను పట్టుబడ్డాడు.