తమిళ సూపర్ స్టార్ పొలిటికల్ ఎంట్రీపై కీలక వ్యాఖ్యలు చేసిన పవన్, చంద్రబాబు ...

ఇప్పుడా అప్పుడా అని ఎదురు చూస్తున్న తమిళనాడు ప్రజలకు తమిళ సూపర్ స్టార్ రజినీకాంత్ పొలిటికల్ ఎంట్రీపై క్లారిటీ ఇచ్చారు. డిసెంబర్ 31న పార్టీపై క్లారిటీ ఇస్తానని ప్రకటించారు. తాజాగా దీనిపై టీడీపీ అధినేత చంద్రబాబు స్పందించారు. రజినీకాంత్‌ తనకు మంచి మిత్రుడని ఆయన రాజకీయాల్లోకి రావడాన్ని స్వాగతిస్తున్నాను అన్నారు. రజినీకాంత్‌ రాజకీయాల్లోనూ రాణించాలని ఆకాంక్షించిన ఆయన.. ప్రజాస్వామ్యంలో కొత్త పార్టీలు రావడం సహజమే అన్నారు. ప్రత్యక్షంగా కాకపోయినా పరోక్షంగా ఎప్పటినుంచో రజినీకాంత్ రాజకీయాల్లోనే ఉన్నారని వ్యాఖ్యానించారు జనసేన అధినేత పవన్ కళ్యాణ్.రజినీకాంత్ రాజకీయాల్లో రావాలని ఎప్పట్నుంచో ఉందని కానీ ఆయన రాజకీయాల్లోకి రాకపోయినా గతంలో ఓ పార్టీ గెలుపు కోసం కృషి చేశారన్నారు. రజినీకి మంచి అభిమాన బలం ఉందని.. రజినీకాంత్ రాజకీయాల్లో రాణించి మంచి విజయం సాధించాలని కోరుకుంటున్నాను అని తెలిపారు.

సూపర్ స్టార్ రజినీకాంత్ రాజకీయం అరంగేట్రంపై క్లారిటీ ఇచ్చేశారు. రాజకీయ పార్టీపై ట్విట్టర్ వేదికగా తలైవా క్లారిటీ ఇచ్చారు. ప్రత్యక్ష రాజకీయాల్లోకి ఎంట్రీ ఇస్తున్నట్లు ప్రకటించారు. కొత్త పార్టీ ఏర్పాటు చేస్తున్నామని ట్వీట్ చేశారు. జనవరిలో పార్టీ ప్రారంభించబోతున్నట్లు ప్రకటించారు. డిసెంబర్ 31న పార్టీ వివరాలు ప్రకటిస్తామన్నారు. 2021 ఎన్నికల్లో పోటీ చేసేందుకు సిద్ధమని పేర్కొన్నారు.