పాన్ కార్డ్ తీసుకోవాలంటే కేవలం 10 నిమిషాలు చాలు
By: chandrasekar Fri, 29 May 2020 11:59 AM
పాన్ కార్డ్ తీసుకోవాలంటే
రెండు వారాలైనా పట్టేది. కానీ ఇప్పుడు పాన్ కార్డ్ తీసుకోవాలంటే కేవలం 10
నిమిషాలు చాలు. ఆధార్ బేస్డ్ ఇ-కేవైసీ ద్వారా పాన్ కార్డును వెంటనే జారీ చేసే
కొత్త సర్వీస్ను ఆర్థిక మంత్రి నిర్మలా సీతారామన్ ప్రారంభించారు. ఈ ఫెసిలిటీ ద్వారా కేవలం 10
నిమిషాల్లో పాన్ కార్డు తీసుకోవచ్చు. ఇందుకోసం మీ ఆధార్ నెంబర్ వెల్లడిస్తే చాలు. 10
నిమిషాల్లో పాన్ కార్డ్ జారీ అవుతుంది. ఇప్పటివరకు పాన్ నెంబర్ లేనివారు మాత్రమే
ఇన్స్టంట్ పాన్ కార్డు తీసుకోవచ్చు. గతంలో పాన్ కార్డు తీసుకున్నవారు మళ్లీ ఇన్స్టంట్
పాన్ కార్డు తీసుకోవాల్సిన అవసరం లేదు. ఇన్స్టంట్ పాన్ కార్డు తీసుకోవాలంటే ఆధార్
నెంబర్కు తప్పనిసరిగా మొబైల్ నెంబర్ లింక్ అయి ఉండాలి. ఆధార్ కార్డులో పుట్టిన
తేదీ, నెల, సంవత్సరం
లాంటి వివరాలు పూర్తిగా ఉండాలి. మైనర్లు ఇన్స్టంట్ ఇ-పాన్ కార్డు తీసుకోలేరు.
* 10 నిమిషాల్లో పాన్ కార్డ్ తీసుకోవడానికి రూల్స్
* ఫస్ట్
ఇన్కమ్ ట్యాక్స్ డిపార్ట్మెంట్ ఇ-ఫైలింగ్ పోర్టల్
* ఎడమవైపు
Quick Links కింద Instant
PAN through Aadhaar లింక్పైన
క్లిక్ చేయండి.
* కొత్త
పేజీ ఓపెన్ అవుతుంది. అందులో Get
New PAN ట్యాబ్
పైన క్లిక్ చేయండి.
* మీ
ఆధార్ నెంబర్, క్యాప్చా కోడ్ ఎంటర్ చేసి Generate Aadhaar OTP పైన క్లిక్ చేయండి.
* మీ
ఆధార్ నెంబర్కు లింక్ అయిన మొబైల్ నెంబర్కు ఓటీపీ వస్తుంది.
* ఓటీపీ
ఎంటర్ చేసి మీ ఆధార్ వివరాలు సరిచూసుకోవాలి.
* మీ
ఇమెయిల్ ఐడీ ఎంటర్ చేయాలి.
* తర్వాత
15 అంకెల
అక్నాలెడ్జ్మెంట్ నెంబర్ జనరేట్ అవుతుంది.
* వెరిఫికేషన్
పూర్తైన తర్వాత పాన్ కార్డు జారీ అవుతుంది.
యూనిక్
ఐడెంటిఫికేషన్ అథారిటీ ఆఫ్ ఇండియా-UIDAI దగ్గర రిజిస్టర్ అయిన మీ ఆధార్ వివరాల ద్వారా మీకు పాన్ కార్డును జారీ
చేస్తుంది ఆదాయపు పన్ను శాఖ.ఈ ప్రాసెస్ మొత్తం 10 నిమిషాల్లో పూర్తవుతుంది.Check Status/
Download PAN పైన క్లిక్ చేసి మీ
ఇ-పాన్ కార్డును డౌన్లోడ్ చేసుకోవచ్చు. మీ ఇ-పాన్ కార్డు పీడీఎఫ్ ఫార్మాట్లో మీ
ఇమెయిల్ ఐడీకి వస్తుంది.
పాన్ కార్డు
లేనివాళ్లు ఉచితంగా ఇన్స్టంట్ పాన్ కార్డు తీసుకోవచ్చు. 2020 ఫిబ్రవరి 12న ప్రయోగాత్మకంగా ఇన్స్టంట్ పాన్ కార్డు సేవలు
ప్రారంభమయ్యాయి. 2020 మే 25 వరకు 6,77,680 పాన్ కార్డులు జారీ చేసారు.