నోకియా.. 75 అంగుళాల స్మార్ట్ టీవీ లాంచ్....
By: chandrasekar Sat, 28 Nov 2020 8:00 PM
నోకియా కొత్త 75
అంగుళాల స్మార్ట్ టీవీని మొదటగా యూరోప్లో లాంచ్ చేసింది. ఇందులో 4కే
యూహెచ్డీ రిజల్యూషన్ ఉన్న స్క్రీన్ను అందించారు. హెచ్డీఆర్10
సపోర్ట్ కూడా ఇందులో ఉంది. ఇందులో ఉన్న డాల్బీ విజన్ సపోర్ట్ ద్వారా టీవీ వీక్షణ
అనుభవం మరింత అద్భుతంగా మారనుంది. దీంతోపాటు నోకియా 32, 43, 50, 55, 65 అంగుళాల టీవీలు కూడా యూరోపియన్ మార్కెట్లో లాంచ్
అయ్యాయి. దీంతో పాటు కొత్తగా 58 అంగుళాల మోడల్ను కూడా లాంచ్ చేశారు.
నోకియా 75
అంగుళాల స్మార్ట్ టీవీ ధర మరియు స్పెసిఫికేషన్లు
నోకియా 75
అంగుళాల టీవీ ధరను 1,399 యువాన్లుగా(సుమారు రూ.1,23,300) నిర్ణయించారు. దీనికి సంబంధించిన సేల్ డిసెంబర్ 1వ తేదీ
నుంచి జరగనుంది. ఇక ఇందులో 58 అంగుళాల వేరియంట్ ధరను 799.9
యూరోలుగా(మనదేశ కరెన్సీలో సుమారు రూ.70,500)
నిర్ణయించారు.
ఈ టీవీ ఆండ్రాయిడ్ టీవీ 9.0
ఆపరేటింగ్ సిస్టంపై పనిచేయనుంది. 4కే యూహెచ్డీ డిస్ ప్లే ప్యానెల్ను ఇందులో
అందించారు.
డాల్బీ విజన్, హెచ్డీఆర్10
సపోర్ట్ కూడా ఇందులో అందించారు. ఇందులో రెండు టీవీ 12W స్పీకర్లను అందించారు.
డాల్బీ డిజిటల్ ప్లస్, డీటీఎస్
సర్రౌండ్ సౌండ్ టెక్నాలజీని ఇందులో అందించారు. ఇక క్వాడ్ కోర్ ఏఆర్ఎం సీఏ55
ప్రాసెసర్ను ఇందులో అందించారు. 1.5 జీబీ ర్యామ్, 8 జీబీ ఇంటర్నల్ స్టోరేజ్ను ఇందులో అందించారు.
వైఫై, బ్లూటూత్
4.2 వంటి
వైర్ లెస్ కనెక్టివిటీ ఫీచర్లు కూడా ఇందులో ఉన్నాయి. నోకియా 75
అంగుళాల స్మార్ట్ టీవీలో నాలుగు హెచ్డీఎంఐ పోర్టులు, రెండు
యూఎస్బీ 2.0 పోర్టులు, ఆప్టికల్ ఆడియో, వీజీఏ, ఎథర్ నెట్ పోర్టులను అందించారు.
దీంతోపాటు ఇందులో 3.5 ఎంఎం
హెడ్ ఫోన్ జాక్ను అందించారు. ఈ స్మార్ట్ టీవీలో అమెజాన్ ప్రైమ్ వీడియో, డిస్నీ
ప్లస్ హాట్ స్టార్, నెట్ ఫ్లిక్స్, యూట్యూబ్ వంటి యాప్స్ కూడా ఉన్నాయి. దీంతోపాటు ఇందులో
గూగుల్ అసిస్టెంట్ సపోర్ట్ కూడా అందించారు.