మనదేశంలో నోకియా సీ3 స్మార్ట్ ఫోన్ త్వరలో లాంచ్

మనదేశంలో నోకియా సీ3 స్మార్ట్ ఫోన్ త్వరలో లాంచ్ అవనుంది. దీనికి సంబంధించిన మార్కెటింగ్ మెటీరియల్ కూడా ఆన్ లైన్ లో లీకైంది. చైనాలో ఈ స్మార్ట్ ఫోన్ ఈ నెల ప్రారంభంలో లాంచ్ అయింది. ఇందులో ఆక్టాకోర్ ప్రాసెసర్ ను అందించారు. దీని బ్యాటరీ సామర్థ్యం 3040 ఎంఏహెచ్ గా ఉంది. ఇందులో వెనకవైపు 8 మెగా పిక్సెల్ కెమెరా, ముందువైపు 5 మెగా పిక్సెల్ కెమెరాను అందించారు. ఈ ఫోన్ లో వెనకవైపు ఫింగర్ ప్రింట్ సెన్సార్ ను అందించారు. లీకైన పోస్టర్ ప్రకారం ఈ ఫోన్ ఒక సంవత్సరం రీప్లేస్ మెంట్ గ్యారంటీతో రానుంది. దీంతో పాటు ఈ ఫోన్ డిస్ ప్లే, ఆపరేటింగ్ సిస్టం, కెమెరా వివరాలు, వంటివి కూడా ఈ మాన్యువల్ లో ఉన్నాయి. నార్డిక్ బ్లూ, గోల్డ్ శాండ్ రంగుల్లో ఈ ఫోన్ చైనాలో అయింది. మనదేశంలో కూడా ఈ రంగుల్లోనే లాంచ్ అయ్యే అవకాశం ఉంది.

నోకియా సీ3 ధర (అంచనా): ఇందులో కేవలం 3 జీబీ ర్యామ్ + 32 జీబీ స్టోరేజ్ వేరియంట్ మాత్రమే అందుబాటులో ఉంది. చైనాలో దీని ధరను 699 యువాన్లుగా (సుమారు రూ.7,500) నిర్ణయించబడింది. మనదేశంలో కూడా ఈ ఫోన్ ఇదే ధరలో లాంచ్ అయ్యే అవకాశం ఉంది.

నోకియా సీ3 స్పెసిఫికేషన్లు: ఈ స్మార్ట్ ఫోన్ లో 5.99 అంగుళాల హెచ్ డీ+ ఐపీఎస్ డిస్ ప్లేను అందించారు. ఆక్టాకోర్ ప్రాసెసర్ పై ఈ ఫోన్ పనిచేయనుంది. 3 జీబీ ర్యామ్ ను ఇందులో అందించారు. దీనిలో వెనకవైపు 8 మెగా పిక్సెల్ కెమెరా, ముందువైపు 5 మెగా పిక్సెల్ కెమెరాను అందించారు. ఈ ఫోన్ ఆండ్రాయిడ్ 10 ఆపరేటింగ్ సిస్టంపై పనిచేయనుంది. దీనిలో 32 జీబీ స్టోరేజ్ ను అందించారు.

దీన్ని మైక్రో ఎస్ డీ కార్డు ద్వారా 128 జీబీ వరకు పెంచుకునే అవకాశం ఉంది. 4జీ, వైఫై, బ్లూటూత్ వీ4.2, జీపీఎస్/ఏ-జీపీఎస్, మైక్రో యూఎస్ బీ పోర్టు, 3.5 ఎంఎం హెడ్ ఫోన్ జాక్ వంటి ఫీచర్లు కూడా ఇందులో ఉన్నాయి. దీని బ్యాటరీ సామర్థ్యం 3040 ఎంఏహెచ్. 5W ఫాస్ట్ చార్జింగ్ ను ఇది సపోర్ట్ చేయనుంది. ఫింగర్ ప్రింట్ సెన్సార్ ఫోన్ వెనక భాగంలో ఉంది. యాంబియెంట్ లైట్ సెన్సార్, యాక్సెలరేషన్ సెన్సార్, ప్రాక్సిమిటీ సెన్సార్ లు కూడా దీనిలో ఉన్నాయి. ఈ ఫోన్ మందం 0.87 సెంటీమీటర్లు కాగా, బరువు 184.5 గ్రాములుగా ఉంది.