భారత జట్టులో అతడికి బౌలింగ్ చేయడం చాలా కష్టం ..కివీస్ పేసర్ లూకి ఫెర్గుసన్
By: Sankar Thu, 30 July 2020 8:37 PM
టీమ్ఇండియా స్టార్ ఓపెనర్ రోహిత్ శర్మపై న్యూజిలాండ్ పేసర్ లూకీ ఫెర్గూసన్ ప్రశంసల వర్షం కురిపించాడు. రోహిత్ అద్భుతమైన బ్యాట్స్మన్ అని, అతడికి బౌలింగ్ చేయడం చాలా సవాల్గా అనిపించిందని గురువారం ఓ ఇంటర్వ్యూలో అతడు తెలిపాడు. అలాగే డేవిడ్ వార్నర్, విరాట్ కోహ్లీ, స్టీవ్ స్మిత్ కూడా గొప్ప ఆటగాళ్లంటూ చెప్పుకొచ్చాడు. తాను బౌలింగ్ చేసేందుకు సవాల్గా అనిపించిన బ్యాట్స్మెన్ ఎవరు అని అడిగిన ఓ ప్రశ్నకు ఫెర్గూసన్ సమాధానం ఇచ్చాడు.
“కొందరు ఉన్నారు. ముఖ్యంగా రోహిత్ శర్మకు బౌలింగ్ చేయడం బాగా సవాల్గా అనిపిస్తుంది. అతడిని త్వరగా ఔట్ చేయలేకపోతే, భారీగా బాదేస్తాడు. లెంగ్త్ను త్వరగా పసిగడతాడు. అతడో వరల్డ్ క్లాస్ ప్లేయర్. స్టీవ్ స్మిత్, డేవిడ్ వార్నర్, విరాట్ కోహ్లీ కూడా అద్భుతమైన ఆటగాళ్లు. వారికి బౌలింగ్ చేయడం ఎప్పుడైనా కష్టమే. అయితే టాపార్డర్లో ఉన్న వారిని ఔట్ చేయడం బాగా అనిపిస్తుంది. టాపార్డర్ను పెవిలియన్కు పంపితేనే మిడిల్ ఆర్డర్, లోయరార్డర్ ఆటగాళ్లకు బౌలింగ్ చేసే అవకాశం వస్తుంది కదా” అని ఫెర్గూసన్ చెప్పాడు..
కాగా ప్రస్తుతం ప్రపంచ క్రికెట్ లో కోహ్లీ , రోహిత్ లు లిమిటెడ్ ఓవర్ల ఫార్మటు లో అదరగొడుతున్నారు ..కానీ గత ఏడాది జరిగిన వరల్డ్ కప్ సెమీఫైనల్లో న్యూజిలాండ్ మీద ఈ ఇద్దరు తక్కువ పరుగులకే అవుట్ అవ్వడంతో ఆ మ్యాచ్ లో టీమిండియా ఓటమి పాలు అయి టోర్నీ నుంచి నిష్క్రమించింది ..