- హోమ్›
- వార్తలు›
- సోనూ సూద్ చేస్తున్న సహాయం పై సోషల్ మీడియాలో సర్వత్రా ప్రశంసలు వర్షం కురిపిస్తున్న నెటిజన్లు
సోనూ సూద్ చేస్తున్న సహాయం పై సోషల్ మీడియాలో సర్వత్రా ప్రశంసలు వర్షం కురిపిస్తున్న నెటిజన్లు
By: chandrasekar Fri, 31 July 2020 09:48 AM
కష్టాల్లో వున్న వారు
సోనూ సూద్ దృష్టిలో పడితే తప్పకుండ సహాయం పొందగలరని ప్రజల్లో సర్వత్రా వినికిడి.
సోనూ సూద్ అలుపెరగని సాయం చేస్తూనే వున్నారు. అడిగినవారికి అడగనివారికి కూడా
తెలియకుండా తనవంతు సాయం చేస్తున్నారు. కష్టంలో ఉన్నామనగానే అక్కడ సోనూ వాలిపోతూ బాధితులకు అండగా నిలుస్తున్నాడు. అయితే సోనూ
సామాన్యులకే కాదు కొంతమంది సెలబ్రిటీలకు కూడా సాయం చేస్తున్నాడు. తాజాగా టీవీ
నటుడు అనుపమ్ శ్యామ్కు అండగా నిలిచాడు. గత కొన్నాళ్లుగా అనుపమ్ కిడ్నీ వ్యాధితో
బాధపడుతున్నారు.
ఆయన రెండు రోజుల క్రింత
ఆస్పత్రిలో చేరారు. ఐసీయూలో చికిత్స పొందుతున్న అనుపమ్కి సాయం చేయడానికి దాతలు
ముందుకు రావాలని అతని సోదరుడు అనురాగ్ విజ్ఞప్తి చేశాడు. దీంతో అనుపమ్ ఆరోగ్యానికి
సంబంధించిన విషయాన్ని ఓ నెటిజన్ సోనూసూద్ దృష్టికి తీసుకెళ్లాడు. ఇంకేముంది తప్పక
సాయం చేస్తానని సోనూ సూద్ తన ట్విట్టర్ ద్వారా స్పందించాడు.
దీంతో సోనూసూద్ మంచి
మనసుపై ప్రశంసలు కురిపిస్తున్నారు నెటిజన్స్. అనుపమ్ శ్యామ్ ప్రముఖ సీరియల్స్తో
పాటు పలు బాలీవుడ్ సినిమాల్లో సైతం నటించారు. ఇక అనుపమ్ కు సాయం చేసేందుకు ప్రముఖ
నటుడు మనోజ్ వాజ్ పేయి సైతం ముందుకొచ్చారు. ఆయన కూడా అనుపమ్ కుటుంబసభ్యులకు ఫోన్
చేసి ఆరోగ్యం గురుంచి ఆరా తీశారు.
సోనూ సూద్ ఏపీలో ఓ రైతు
కుటుంబానికి ట్రాక్టర్ సాయం చేసిన విషయం తెలిసిందే. చిత్తూరు జిల్లా మదనపల్లెకి
చెందని నాగేశ్వరరావు అనే రైతు కుటుంబానికి సోనూ ట్రాక్టర్ పంపారు. అంతేకాకుండ
కరోనా కారణంగా సాఫ్ట్ వేర్ ఉద్యోగం కోల్పోయిన సాఫ్ట్ వేర్ ఇంజినీర్ శారద అనే
యువతికి కూడా సోనూ సాయం చేశారు. శారద ఇంటికి తన ప్రతినిధిని పంపి జాబ్ లెటర్
అందించారు.
ఇలా ఒకటి కాదు వలస
కూలీలని ఇళ్లకి చేర్చడం దగ్గర నుండి నిసర్గ తుఫాను బాధితులకి అండగా నిలవడంతో పాటు
ఉద్యోగం లేని వారికి జాబ్ ఇవ్వడం వరకు సోనూ సూద్ తనలోని మానవత్వం చాటుకుంటూ
వస్తున్నాడు. ఈ రోజు సోనూసూద్ బర్త్ డే సందర్భంగా సోషల్ మీడియాలో ఆయనకు
శుభాకాంక్షలు వెల్లువెత్తుతున్నాయి. రియల్ హీరో అంటూ నెటిజన్లు సోనూపై ప్రశంసలు
వర్షం కురిపిస్తున్నారు.