Advertisement

6000mAh బ్యాటరీతో మోటో జీ9 పవర్ లాంచ్

By: chandrasekar Sat, 07 Nov 2020 2:09 PM

6000mAh బ్యాటరీతో మోటో జీ9 పవర్ లాంచ్


ఎక్కువ బ్యాటరీ పవర్ తో మోటో జీ9 పవర్ స్మార్ట్ ఫోన్‌ విడుదల చేసింది. ఫోన్ ను ఎక్కువ సేపు వాడుటకు ఇది చాలా సహాయపడుతుంది. మోటో జీ9 పవర్ స్మార్ట్ ఫోన్‌ను కంపెనీ తాజాగా లాంచ్ చేసింది. మోటో జీ9 సిరీస్‌లో తాజాగా లాంచ్ అయిన ఫోన్ ఇదే. మోటో జీ9, మోటో జీ9 ప్లస్, మోటో జీ9 ప్లే వంటివి ఈ సిరీస్‌లో ఇప్పటికే లాంచ్ అయ్యాయి. మోటో జీ9 పవర్ ప్రస్తుతానికి యూరోప్‌లో లాంచ్ అయింది. ఇందులో 6000 ఎంఏహెచ్ బ్యాటరీని అందించారు. ఫోన్ వెనకవైపు మూడు కెమెరాలను అందించారు. వీటిలో ప్రధాన కెమెరా సామర్థ్యం 64 మెగాపిక్సెల్‌గా ఉండగా, క్వాల్ కాం స్నాప్ డ్రాగన్ 662 ప్రాసెసర్‌పై ఈ ఫోన్ పనిచేయనుంది. ఈ ఫోన్ లో కేవలం 4 జీబీ ర్యామ్ + 128 జీబీ స్టోరేజ్ వేరియంట్ మాత్రమే అందుబాటులో ఉంది. దీని ధరను 199 యూరోలుగా (సుమారు రూ.17,400) నిర్ణయించారు. ఎలక్ట్రిక్ వయొలెట్, మెటాలిక్ సేజ్ రంగుల్లో ఈ ఫోన్ లాంచ్ అయింది. త్వరలో ఆసియా, లాటిన్ అమెరికా, మిడిల్ ఈస్ట్ దేశాల్లో ఎంపిక చేసిన దేశాల్లో ఈ ఫోన్ అందుబాటులోకి రానుందని మోటొరోలా తెలిపింది. అయితే మనదేశంలో మోటో జీ9 పవర్ లాంచ్ అవుతుందో లేదో నిర్ధారించలేదు.

మోటో జీ9 పవర్ స్పెసిఫికేషన్ వివరాలు:

* ఇందులో 6.8 అంగుళాల హెచ్ డీ+ ఐపీఎస్ డిస్ ప్లేను అందించారు.
* ఆక్టాకోర్ క్వాల్ కాం స్నాప్ డ్రాగన్ 662 ప్రాసెసర్ పై మోటో జీ9 పవర్ పనిచేయనుంది.
* ర్యామ్ 4 జీబీగా ఉండగా, స్టోరేజ్ సామర్థ్యం 128 జీబీగా ఉంది. స్టోరేజ్ ను మైక్రో ఎస్ డీ కార్డు ద్వారా 512 జీబీ వరకు పెంచుకోవచ్చు.
* వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, దీంతో పాటు 2 మెగా పిక్సెల్ మాక్రో సెన్సార్, 2 మెగా పిక్సెల్ టెర్టియరీ సెన్సార్ కూడా ఇందులో ఉన్నాయి.
* సెల్ఫీల కోసం ముందువైపు 16 మెగాపిక్సెల్ కెమెరాను అందించారు.
* ఆండ్రాయిడ్ 10 ఆపరేటింగ్ సిస్టంపై మోటో జీ9 పవర్ పనిచేయనుంది.
* బ్యాటరీ సామర్థ్యం 6000 ఎంఏహెచ్‌గా ఉంది. 20W ఫాస్ట్ చార్జింగ్ టెక్నాలజీని ఈ ఫోన్ సపోర్ట్ చేస్తుంది.
* వైఫై, బ్లూటూత్ 5.0, జీపీఎస్, 3.5 ఎంఎం హెడ్ ఫోన్ జాక్, యూఎస్ బీ టైప్-సీ పోర్టు కనెక్టివిటీ ఫీచర్లు కూడా ఇందులో ఉన్నాయి.
* ఫోన్ మందం 0.96 సెంటీమీటర్లు కాగా, బరువు 221 గ్రాములుగా ఉంది.

Tags :
|
|

Advertisement