వివో ఎక్స్50, ఎక్స్50 ప్రో స్మార్ట్ ఫోన్ల లాంచ్

మనదేశంలో వివో ఎక్స్50, ఎక్స్50 ప్రో స్మార్ట్ ఫోన్లను లాంచ్ చేసారు. ఫ్లాగ్ షిప్ ఫీచర్లతో ఈ ఫోన్లు లాంచ్ అవ్వడం విశేషం. ఈ రెండు ఫోన్లూ హోల్ పంచ్ డిస్ ప్లేతో వచ్చాయి. వీటిలో 3డీ సౌండ్ ట్రాకింగ్, ఆడియో జూమ్, సూపర్ నైట్ మోడ్ 3.0 వంటి ఫీచర్లు ఉన్నాయి. ఈ రెండు ఫోన్లలోనూ ఇన్-డిస్ ప్లే ఫింగర్ ప్రింట్ సెన్సార్ ను అందించారు. వివో ఎక్స్50 ప్రోలో గింబల్ కెమెరాను అందించారు. దీంతో ఈ ఫోన్ తో తీసే ఫొటోలు, వీడియోలు బ్లర్ అవ్వకుండా వస్తాయి. ఇందులో కర్వ్‌డ్ డిస్ ప్లే డిజైన్ ను కూడా అందించారు. దీంతోపాటు వివో ఎక్స్50 ప్రోలో 5జీ టెక్నాలజీని కూడా అందించారు.

వివో ఎక్స్50 స్పెసిఫికేషన్లు

వివో ఎక్స్50లో 6.56 అంగుళాల ఫుల్ హెచ్ డీ+ ఫ్లాట్ అల్ట్రా ఓ అమోఎల్ఈడీ డిస్ ప్లేను అందించారు. దీని స్క్రీన్ రిఫ్రెష్ రేట్ 90 హెర్ట్జ్ గానూ, టచ్ శాంప్లింగ్ రేట్ 180 హెర్ట్జ్ గా ఉంది. హెచ్ డీఆర్ 10+ సపోర్ట్ కూడా అందులో ఉంది. ఆక్టా కోర్ క్వాల్ కాం స్నాప్ డ్రాగన్ 730 ప్రాసెసర్ పై ఈ స్మార్ట్ ఫోన్ పనిచేయనుంది. ఇందులో 8 జీబీ ర్యామ్ అందించారు. ఇందులో వెనకవైపు నాలుగు కెమెరాలు అందించారు. వీటిలో ప్రధాన కెమెరా సామర్థ్యం 48 మెగా పిక్సెల్ గా ఉండగా, 8 మెగా పిక్సెల్ అల్ట్రా వైడ్ యాంగిల్ కెమెరా, 5 మెగా పిక్సెల్ మాక్రో సెన్సార్, 13 మెగా పిక్సెల్ బొకే షూటర్ లను కూడా ఇందులో అందించారు.

సెల్ఫీ ప్రియుల కోసం ముందువైపు 32 మెగాపిక్సెల్ కెమెరాను వివో అందించింది. ఇందులో 256 జీబీ స్టోరేజ్ ను అందించారు. దీని బ్యాటరీ సామర్థ్యం 4,200 ఎంఏహెచ్ గా ఉంది. 33W ఫాస్ట్ చార్జింగ్ టెక్నాలజీని ఇది సపోర్ట్ చేయనుంది. 4జీ వోల్టే, వైఫై 802.11ac, బ్లూటూత్ v5.1, జీపీఎస్/ఏ-జీపీఎస్, యూఎస్ బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. ఇన్ డిస్ ప్లే ఫింగర్ ప్రింట్ సెన్సార్ ను ఇందులో అందించారు. ఈ ఫోన్ కేవలం 0.75 సెంటీమీటర్ల మందం మాత్రమే ఉంది. ఆండ్రాయిడ్ 10 ఆపరేటింగ్ సిస్టంపై ఈ ఫోన్ పనిచేయనుంది. దీని బరువు 174.5 గ్రాములుగా ఉంది.

వివో ఎక్స్50 ధర

వివో ఎక్స్50 స్మార్ట్ ఫోన్ లో రెండు వేరియంట్లు అందుబాటులో ఉన్నాయి. 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.34,990గా ఉండగా, 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.37,990గా ఉంది. ఫ్రాస్ట్ బ్లూ, గ్లేజ్ రంగుల్లో ఇది అందుబాటులో ఉంన్నాయి


వివో ఎక్స్50 ప్రో స్పెసిఫికేషన్లు

వివో ఎక్స్50 ప్రోలో 6.56 అంగుళాల ఫుల్ హెచ్ డీ+ 3డీ కర్వ్‌డ్ అల్ట్రా ఓ అమోఎల్ఈడీ డిస్ ప్లేను అందించారు. దీని స్క్రీన్ రిఫ్రెష్ రేట్ కూడా 90 హెర్ట్జ్ గానూ, టచ్ శాంప్లింగ్ రేట్ 180 హెర్ట్జ్ గానే ఉంది. హెచ్ డీఆర్ 10+ సపోర్ట్ అందులో కూడా ఉంది. ఆక్టా కోర్ క్వాల్ కాం స్నాప్ డ్రాగన్ 765జీ ప్రాసెసర్ పై ఈ స్మార్ట్ ఫోన్ పనిచేయనుంది. ఇందులో కూడా 8 జీబీ ర్యామ్ నే అందించారు.

ఇందులో కూడా వెనకవైపు నాలుగు కెమెరాలనే అందించారు. వీటిలో ప్రధాన కెమెరా సామర్థ్యం 48 మెగా పిక్సెల్ గా ఉండగా, 8 మెగా పిక్సెల్ అల్ట్రా వైడ్ యాంగిల్ కెమెరా, 8 మెగా పిక్సెల్ టెలిఫొటో సెన్సార్, 13 మెగా పిక్సెల్ బొకే షూటర్ లను కూడా ఇందులో అందించారు.

ఈ కెమెరాకు గింబల్ సిస్టం కూడా ఉండటం విశేషం. సెల్ఫీ ప్రియుల కోసం ముందువైపు 32 మెగాపిక్సెల్ కెమెరాను వివో అందించింది. ఇందులో 256 జీబీ స్టోరేజ్ అందుబాటులో ఉంది. దీని బ్యాటరీ సామర్థ్యం 4,315 ఎంఏహెచ్ గా ఉంది. 33W ఫాస్ట్ చార్జింగ్ టెక్నాలజీనే ఇది కూడా సపోర్ట్ చేయనుంది. 5జీ, 4జీ వోల్టే, వైఫై 802.11ac, బ్లూటూత్ v5.1, జీపీఎస్/ఏ-జీపీఎస్, యూఎస్ బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. ఇన్ డిస్ ప్లే ఫింగర్ ప్రింట్ సెన్సార్ నే ఇందులో అందించారు. ఈ ఫోన్ 0.8 సెంటీమీటర్ల మందం మాత్రమే ఉంది. ఆండ్రాయిడ్ 10 ఆపరేటింగ్ సిస్టంపై ఈ ఫోన్ పనిచేయనుంది. దీని బరువు 181.5 గ్రాములు.

వివో ఎక్స్50 ప్రో ధర

ఒక్క వేరియంట్ మాత్రమే ఉంది. 8 జీబీ ర్యామ్ + 256 జీబీ స్టోరేజ్ తో ఈ వేరియంట్ రానుంది. దీని ధరను రూ.49,990గా నిర్ణయించారు. ఆల్ఫా గ్రే రంగులో మాత్రమే ఇది అందుబాటులో ఉండనుంది. ఈ రెండు ఫోన్లకు సంబంధించిన సేల్ జులై 24వ తేదీ నుంచి జరగనుంది. ప్రీ-బుకింగ్స్ నేటి నుంచి ప్రారంభం కానున్నాయి. రిలయన్స్ డిజిటల్, క్రోమా, ఫ్లిప్ కార్ట్, అమెజాన్, విజయ్ సేల్స్, పేటీయం మాల్, టాటా క్లిక్ వంటి ఆన్ లైన్ వెబ్ సైట్లలోనూ, ఆఫ్ లైన్ లో కూడా ఈ సేల్ జరగనుంది.