రియల్ మీ 7ఐ స్మార్ట్ ఫోన్ లాంచ్...

ఇండోనేషియాలో రియల్ మీ 7ఐ స్మార్ట్ ఫోన్ లాంచ్ చేసారు. రియల్ మీ 7 తరహాలోనే దీని డిజైన్ ఉంది. దీనిలో వెనకవైపు నాలుగు కెమెరాలు అందించారు. రియల్ మీ 7 కంటే దీని కెమెరాల సెటప్ కొత్తగా ఉంది. దీనిలో భారీ బ్యాటరీ, 90 హెర్ట్జ్ స్క్రీన్ రిఫ్రెష్ రేట్ వంటి ఫీచర్లు కూడా ఉన్నాయి. ఆక్టాకోర్ క్వాల్ కాం స్నాప్ డ్రాగన్ 662 ప్రాసెసర్‌ను ఇందులో అందించారు. ఈ ఫోన్ మొదటగా ఇండోనేషియాలో లాంచ్ అయింది. ఈ ఫోన్ ధరను 31,99,000 ఇండోనేషియా రూపాయలుగా (సుమారు రూ.15,800) నిర్ణయించారు. దీనిలో కేవలం 8 జీబీ ర్యామ్ + 128 జీబీ స్టోరేజ్ వేరియంట్ మాత్రమే అందుబాటులో ఉంది. అరోరా గ్రీన్, పోలార్ బ్లూ రంగుల్లో ఇది అందుబాటులో ఉంది. దీనికి సంబంధించిన మొదటి సేల్ సెప్టెంబర్ 18వ తేదీన జరగనుంది. ఓపెన్ సేల్ సెప్టెంబర్ 19వ తేదీన జరగనుంది. ఈ ఫోన్ మనదేశంలో ఎప్పుడు లాంచ్ అవుతుందో తెలియరాలేదు.

రియల్ మీ 7ఐ స్పెసిఫికేషన్లు

దీనిలో 6.5 అంగుళాల హెచ్‌డీ+ డిస్ ప్లేను ఉంచారు. దీని స్క్రీన్ టు బాడీ రేషియో 90 శాతంగా ఉంది. స్క్రీన్ రిఫ్రెష్ రేట్ 90 హెర్ట్జ్ గా ఉంది. కార్నింగ్ గొరిల్లా గ్లాస్ ప్రొటెక్షన్‌ను దీనిలో అందించారు.

ఆక్టాకోర్ క్వాల్ కాం స్నాప్ డ్రాగన్ 662 ప్రాసెసర్‌పై ఈ ఫోన్ పని చేయనుంది. ఆండ్రాయిడ్ 10 ఆధారిత రియల్ మీయూఐ ఆపరేటింగ్ సిస్టంపై ఈ ఫోన్ పనిచేయనుంది.

రియల్ మీ 7ఐలో వెనకవైపు నాలుగు కెమెరాలు అందించారు. వీటిలో ప్రధాన కెమెరా సామర్థ్యం 64 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ బ్లాక్ అండ్ వైట్ సెన్సార్, 2 మెగా పిక్సెల్ మాక్రో షూటర్ కూడా ఉన్నాయి.

సెల్ఫీల కోసం ముందువైపు 16 మెగా పిక్సెల్ కెమెరాను అందించారు. ఇందులో 128 జీబీ స్టోరేజ్ అందించనున్నారు. దీన్ని మైక్రో ఎస్ డీ కార్డు ద్వారా పెంచుకునే అవకాశం ఉంది.

డ్యూయల్ బ్యాండ్ వైఫై, ఎల్టీఈ, బ్లూటూత్ 5.0, ఎన్ఎఫ్ సీ, జీపీఎస్/ఏ-జీపీఎస్, గ్లోనాస్, 3.5 ఎంఎం హెడ్ ఫోన్ జాక్, యూఎస్ బీ టైప్-సీ పోర్టు కూడా ఇందులో ఉన్నాయి.

బ్యాటరీ సామర్థ్యం 5000 ఎంఏహెచ్ గా ఉంది. 18W ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.89 సెంటీమీటర్లుగా ఉంది. బరువు 188 గ్రాములుగా ఉంది.