చెన్నై సూపర్ కింగ్స్ ఎందుకు ఓడిపోయిందో చెప్పిన లారా..

ఈ సీజన్లో చెన్నై సూపర్ కింగ్స్ వయసు మీద పడిన ఆటగాళ్లను నమ్ముకొని దెబ్బతిందని దిగ్గజ క్రికెటర్ బ్రియన్ లారా అభిప్రాయపడ్డాడు. చెన్నై జట్టులో యువ ఆటగాళ్లు ఎక్కువ మంది లేరన్న విషయాన్ని లారా గుర్తు చేశాడు. యువకుల కంటే ఎక్కువగా అనుభవం ఉన్న ఆటగాళ్లపై సీఎస్‌కే నమ్మకం ఉంచడంతో అంతా తలకిందులైందని లారా అభిప్రాయపడ్డాడు.

3-4 మ్యాచ్‌ల క్రితం చెన్నై సూపర్ కింగ్స్ తిరిగి విజయాల బాట పడుతుందనే ఆశ మొలకెత్తింది. ధోనీ అంతా మార్చేస్తాడని భావించారంతా. కానీ మ్యాచ్ తర్వాత మ్యాచ్.. ఆశలు అడియాసలయ్యాయి. ఈ పరిస్థితుల్లో వచ్చే సీజన్‌కు జట్టును బలోపేతం చేయడమే వారు చేయగలిగేది. జట్టులో ఉన్న యువ ఆటగాళ్లతో ఈ సీజన్లో మిగిలిన మ్యాచ్‌ల్లో చెన్నై ఏం చేస్తుందో చూడాలి’’ ఈ కరేబియన్ మాజీ క్రికెటర్ వ్యాఖ్యానించాడు..

కాగా ఐపీఎల్ చరిత్రలో తొలిసారి చెన్నై సూపర్ కింగ్స్ ప్లేఆఫ్స్ చేరకుండానే నిష్క్రమిస్తోంది. ఆడిన గత పది సీజన్లలో.. మూడుసార్లు టైటిల్ గెలిచి.. ఐదుసార్లు ఫైనల్ చేరిన ధోనీ సేన.. ఈసారి మాత్రం లీగ్ దశ దాటి ముందుకెళ్లడం లేదు. చెన్నై సూపర్ కింగ్స్ ఇంతలా చతికిలపడటం అందర్నీ ఆశ్చర్యానికి గురి చేసింది..