కంగనా రనౌత్ డెస్టినేషన్‌ వెడ్డింగ్... రీతూను ఫ్యామిలీలోకి స్వాగతిస్తూ ఫైర్ బ్రాండ్ పోస్ట్...

నేడు కంగనా రనౌత్ సోదరుడు అక్షత్‌ రనౌత్‌ డెస్టినేషన్‌ వెడ్డింగ్‌ జరిగింది. బాలీవుడ్ ఫైర్ బ్రాండ్ కంగనా రనౌత్ తన సోదరుడి వివాహంలో సందడి చేసింది. రాజస్థాన్ లోని ఉదయ్‌పూర్‌లో కంగనా సోదరుడు అక్షత్‌ రనౌత్‌ డెస్టినేషన్‌ వెడ్డింగ్‌ జరిగింది. ఈ వేడుకలో ఆమె తెగ సందడి చేస్తూ కనిపించారు. పైగా ఎప్పటికప్పుడు ఈ మ్యారేజ్ సెలబ్రేషన్స్ తాలూకు వీడియోలు, ఫోటోలు అభిమానులతో షేర్ చేసారు. ఈ క్రమంలోనే తాజాగా తన సోదరుడి భార్య రీతూను ఫ్యామిలీలోకి స్వాగతిస్తూ నవ వధూవరుల పిక్ షేర్ చేసింది కంగనా.

ఈ రోజే కంగనా సోదరుడు అక్షత్ రనౌత్, రీతూని పెళ్లాడారు. కరోనా కారణంగా అతి కొద్దిమంది సన్నిహితుల సమక్షంలో ఈ పెళ్లి జరిగింది. కంగనాతో పాటు ఆమె తల్లిదండ్రులు, సోదరి రంగోలీ, మరికొందరు కుటుంబ సభ్యులు మాత్రమే ఈ వేడుకకు హాజరయ్యారు. ఈ నేపథ్యంలో తాజాగా తన సోదరుడికి ట్విటర్‌ వేదికగా ప్రత్యేక శుభాకాంక్షలు తెలిపిన కంగనా తన స్నేహితులు, అభిమానులంతా కొత్తజంటను ఆశీర్వదించాలని కోరింది. వీరి కొత్త జీవితం గొప్పగా ఉండాలని కంగనా కోరుకుంది. ఇకపోతే విషయం ఏదైనా సరే ముక్కుసూటిగా మాట్లాడే కంగనా రనౌత్. ఇటీవల మాహారాష్ట్ర ప్రభుత్వంపై కామెంట్స్ చేయడం, అర్నబ్ గోస్వామి అరెస్ట్‌పై తనదైన కోణంలో స్పందించడం, జో బైడెన్‌‌ని గజినీ అనడం లాంటి పరిణామాలతో నిత్యం వార్తల్లో నిలుస్తోంది. మీడియా వర్గాలు కంగనాపై స్పెషల్ ఫోకస్ పెట్టాయి.