‘తలైవి’గా కంగనా లేటెస్ట్ స్టిల్స్...

‘తలైవి’ సినిమా తమిళనాడు మాజీ ముఖ్యమంత్రి జయలలిత బయోపిక్‌గా తెరకెక్కుతోందన్న విషయం అందరికి తెలిసిందే. బాలీవుడ్ క్వీన్ కంగనా రనౌత్ జయలలిత పాత్రలో నటిస్తున్నారు. ఏఎల్ విజయ్ దర్శకుడు.

శనివారం జయలలిత వర్ధంతి సందర్భంగా కంగనా ఆమెకు నివాళులర్పిస్తూ.. ‘తలైవి’ సినిమాకు సంబంధించి కొన్ని ఫోటోలను తన ట్విటర్ అకౌంట్లో షేర్ చేశారు. ‘జయ అమ్మ వర్థంతి సందర్భంగా ‘తలైవి’ చిత్రానికి సంబంధించిన కొన్ని వర్కింగ్ స్టిల్స్. మా టీమ్‌కు, ఎంతో కష్టపడుతున్న మా లీడర్ విజయ్ సార్‌కు ధన్యవాదాలు. మరో వారం రోజుల్లో సినిమా పూర్తి కాబోతోంది’ అని కంగనా ట్వీట్ చేశారు.

జయలలిత పాత్రలో కంగనా కనిపిస్తున్న తీరు నెటిజన్లను బాగా ఆకట్టుకుటోంది. దీంతో ఈ స్టిల్స్ ప్రస్తుతం వైరల్‌గా మారాయి. కంగనా తాజాగా షేర్ చేసిన ఫోటోలతో ఈ సినిమాపై అంచనాలు మరింత పెరిగాయనే అనాలి.