గౌతమ్ అలా చేయకపోతే పెళ్లి కష్టమేనన్న కాజల్ అగర్వాల్
By: chandrasekar Mon, 23 Nov 2020 4:14 PM
టాలీవుడ్ అందాల భామ కాజల్
అగర్వాల్ ఇంతకుముందే పెళ్లి చేసుకున్న విషయం తెలిసిందే. కాని అందుకు ఆమె కారణాలు
చెప్పింది. కాజల్ అగర్వాల్ కెరీర్ సినిమాలో మొదలై 15 ఏళ్లైనా కూడా ఇప్పటికీ
అదే జోరు కొనసాగిస్తోంది ఈ అందాల భామ.
ఇప్పటికీ వరుస సినిమాలతో అదరగొడుతోనే ఉంది. ఓ వైపు కుర్ర హీరోలతో నటిస్తూనే
సీనియర్స్తో కూడా రొమాన్స్ చేస్తోంది. అది అలా ఉంటే కాజల్ అక్టోబర్ 30న తన
చిన్ననాటి స్నేహితుడు గౌతమ్ కిచ్లూను పెళ్లి చేసుకున్న సంగతి తెలిసిందే. పెళ్లి
తర్వాత పూజలు పురస్కారాలు నిర్వహించిన కాజల్ భర్తతో కలిసి హనీమూన్కి వెళ్లింది.
భర్త గౌతమ్తో కలిసి మాల్దీవుల్లో హనీమూన్ను ఎంజాయ్ చేస్తోంది. అయితే తాను గౌతమ్తో
పెళ్లికి ఒప్పుకోవడానికి ఓ రీజన్ ఉందని వివరించింది. అందరు అమ్మాయిల్లానే తనకు
కాబోయేవాడు మోకాళ్లపై నిలిచి ఎర్ర గులాబి అందించి తన ప్రేమను వ్యక్తం చేయాలని
కోరుకుందట. ఇక కాజల్ ఎలా అయితే ఆశపడిందో ఆ
విధంగానే గౌతమ్ కిచ్లు తనకు ప్రపోజ్ చేశాడని చెప్పింది. దీంతో కాజల్ గౌతమ్తో
పెళ్లికి గ్రీన్ సిగ్నల్ ఇచ్చిందట. ఒకవేళ అలా చేయకపోతే అతడితో పెళ్లి కష్టమే అని
సరదాగా కామెంట్ చేసింది. ప్రతి అమ్మాయికి అలా తాను పెళ్లి చేసుకోబోయేవాడితో రోజా
పువ్వు అందుకోవాలని కోరుకుంటుందని కాజల్ చెబుతోంది. గౌతమ్ ముందే తన పేరెంట్స్ తో
మాట్లాడి సంబంధం పెళ్లి ఫిక్స్ చేసేసుకున్నాడని అయినా కానీ తనకు మోకాళ్లపై ఉండి
ప్రపోజ్ చేయాలని రూల్ పెట్టానని కూడా కాజల్ చెప్పింది. ఓ మంచి లవ్ ఫీల్ తర్వాతనే
పెళ్లి ఎంతో మధురంగా ఉంటుందని అంటోంది కాజల్.
ఇప్పుడు టాలీవూడ్ లో ఈ
భామ చిరంజీవి, కొరటాల శివ దర్శకత్వంలో రూపొందుతున్న 'ఆచార్య' చిత్రంలో
నటిస్తోన్న సంగతి తెలిసిందే. ప్రస్తుతం భర్తతో హనీమూన్ను ఎంజాయ్ చేస్తోన్న
కాజల్ ఆచార్య షూటింగ్లో డిసెంబర్ 5న
జాయిన్ కానున్నట్టు సమాచారం అందుతోంది. దీంతో కొన్ని రోజులు భర్తకు బైబై చెప్పి
హైదరాబాద్లో జరుగుతోన్న ఆచార్య షూటింగ్లో పాల్గొననుంది. ప్రస్తుతం సగానికిపైగా
షూటింగ్ పూర్తి చేసుకున్న ఈ సినిమా కరోనా కారణంగా ఓ ఆర్నెల్లు వాయిదా పడింది.
ఇటీవల ప్రభుత్వం లాక్ డౌన్లో సడలింపులు ఇవ్వడంతో మళ్లి మొదలైంది. ఇక కాజల్ సినిమాల విషయానికి వస్తే డైరెక్టర్
తేజ 'లక్ష్మీ
కళ్యాణం'తో
తెలుగు సినిమాలకు పరిచయమైనా క్రియేటివ్ దర్శకుడు కృష్ణ వంశీ 'చందమామ' సినిమాతో
తెలుగువారికి చాలా దగ్గరైంది. ఇక అప్పటినుండి కాజల్ వెనుకకు చూడ లేదు.
తెలుగువారిని తన అందచందాలతో, ఎవరని నొప్పించని మనసుతో అలరిస్తూనే ఉంది. తెలుగులో
దాదాపు అందరీ హీరోలతో నటించింది ఈ భామ. అంతేకాకుండా స్టార్ హీరోయిన్గా కూడా
గుర్తింపు పొంది ఇటు తెలుగు సినిమాలు చేస్తూనే అటూ తమిళ్, హిందీ
సినిమాలు చేస్తోంది. కాజల్ ప్రస్తుతం ‘ముంబై సాగా అనే హిందీ సినిమాలో నటిస్తుండగా
మరోవైపు కమల్ హాసన్ హీరోగా వస్తోన్న ఇండియన్ 2’ చిత్రంలో కీలక పాత్రలో కనిపించనుంది. ఈ సినిమాకు
ప్రముఖ దర్శకుడు శంకర్ దర్శకత్వం వహిస్తున్న విషయం తెలిసిందే.