కారు కొనుగోలుకు వ్యవధితో కారు లోన్ తీసుకుంటే మంచిది...
By: chandrasekar Mon, 12 Oct 2020 3:12 PM
ప్రస్తుతం వివిధ
బ్యాంకులు 6.85 నుంచి 11.20 శాతం మేరకు వడ్డీతో కారు లోన్లను ఆఫర్
చేస్తున్నాయి. సాధారణంగా కారు లోన్లు మూడు నుంచి ఐదేండ్ల కాలపరిమితితో లభిస్తాయి.
కొన్ని బ్యాంకులు ఏడేండ్ల వరకు కాలపరిమితితో ఈ రుణాలను అందజేస్తున్నాయి.
అధిక కాలపరిమితితో రుణం
తీసుకుంటే మీరు చెల్లించే నెలవారీ ఈఎంఐ తగ్గుతుంది. కానీ మొత్తం మీద ఎక్కువ వడ్డీ
చెల్లించాల్సి వస్తుంది. షోరూమ్ నుంచి రోడ్డుపైకి వచ్చిన తర్వాత ఏ వాహనం విలువైనా
రోజురోజుకూ క్షీణిస్తుంది. కనుక ఎక్కువ కాలపరిమితితో పెద్ద రుణాన్ని తీసుకోవడం
మంచిది కాదు. స్వల్పకాల వ్యవధితో కారు లోన్ తీసుకుంటే ఈఎంఐ భారీగా పెరుగుతుంది.
ఈ ఈఎంఐ లను చెల్లించడంలో
విఫలమైతే మీ రుణ చరిత్రపై మచ్చ పడుతుంది. వాహన రుణాలకు షరతులు కూడా వర్తిస్తాయి.
కొన్ని సంస్థలు కారు ఎక్స్-షోరూమ్ ధరకు పూర్తిగా సమానమైన రుణాన్ని
అందజేస్తుండగా మరికొన్ని సంస్థలు వాహన
ధరలో 80 శాతం
రుణాన్ని ఆఫర్ చేస్తున్నాయి. వాహన రుణాలను తీసుకునే ముందు వాటి వడ్డీ రేట్లు, ప్రాసెసింగ్
ఫీజు, ఇతర
చార్జీలను ముందుగానే పరిశీలించుకోవడం మంచిది.