ఐకూ యూ1 బడ్జెట్ స్మార్ట్ ఫోన్ ను లాంచ్ చేసిన ఐకూ

మరో బడ్జెట్ స్మార్ట్ ఫోన్ ను ప్రముఖ స్మార్ట్ ఫోన్ బ్రాండ్ ఐకూ లాంచ్ చేసింది. ఆ సంస్థ అందించే అత్యంత చవకైన ఫోన్లలో ఇది కూడా ఒకటి. ఇందులో ఆక్టా కోర్ ప్రాసెసర్ ను అందించారు. వెనకవైపు ట్రిపుల్ కెమెరా సెటప్, ముందువైపు హోల్ పంచ్ కటౌట్ ను అందించారు. ఈ ఫోన్ మూడు స్టోరేజ్ వేరియంట్లలో అందుబాటులో ఉంది.

చైనాలో కూ యూ1 మొదటగా లాంచ్ అయింది. ఈ స్మార్ట్ ఫోన్ లో మొత్తం మూడు వేరియంట్లు అందుబాటులో ఉన్నాయి. ప్రారంభ వేరియంట్ అయిన 6 జీబీ ర్యామ్ + 64 జీబీ స్టోరేజ్ వేరియంట్ ధరను 1,198 యువాన్లుగా(సుమారు రూ.12,900) నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ ధర 1,398 యువాన్లుగా(సుమారు రూ.15,000) ఉండగా, హై ఎండ్ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర 1,598 యువాన్లుగా(సుమారు రూ.17,200) ఉంది. సీక్రెట్ బ్లాక్, స్టార్ బ్లూ, సన్నీ ఫారెస్ట్ వైట్ రంగుల్లో ఈ ఫోన్ అందుబాటులో ఉంది. జులై 23వ తేదీ నుంచి ఈ ఫోన్ సేల్ ప్రారంభం కానుంది. ఈ ఫోన్ మనదేశంలో ఎప్పుడు లాంచ్ అవుతుందనే విషయం ఐకూ తెలపలేదు.

స్పెసిఫికేషన్లు:

వివో ఎక్స్50లో 6.53 అంగుళాల ఫుల్ హెచ్ డీ+ డిస్ ప్లేను అందించారు. డిస్ ప్లే యాస్పెక్ట్ రేషియో 19.5:9గానూ, స్క్రీన్ టు బాడీ రేషియో 90.72 శాతంగానూ ఉంది. ఆక్టా కోర్ క్వాల్ కాం స్నాప్ డ్రాగన్ 720జీ ప్రాసెసర్ పై ఈ స్మార్ట్ ఫోన్ పనిచేయనుంది. ఇందులో 8 జీబీ ర్యామ్ అందుబాటులో ఉంది. ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 48 మెగా పిక్సెల్ గా ఉండగా, 2 మెగా పిక్సెల్ మాక్రో సెన్సార్, 2 మెగా పిక్సెల్ డెప్త్ షూటర్ లను కూడా ఇందులో అందించారు. సెల్ఫీ ప్రియుల కోసం ముందువైపు 8 మెగాపిక్సెల్ కెమెరాను వివో అందించారు. ఇందులో 128 జీబీ స్టోరేజ్ ను అందించారు.

బ్యాటరీ సామర్థ్యం 4,500 ఎంఏహెచ్ గా ఉంది. 18W ఫాస్ట్ చార్జింగ్ టెక్నాలజీని కూడా ఇది సపోర్ట్ చేయనుంది. 4జీ వోల్టే, డ్యూయల్ బ్యాండ్ వైఫై, బ్లూటూత్ v5.1, జీపీఎస్ వంటి కనెక్టివిటీ ఫీచర్లు ఇందులో ఉన్నాయి. ఫింగర్ ప్రింట్ సెన్సార్ ను ఫోన్ పక్కభాగంలో అందించారు. ఈ ఫోన్ 0.85 సెంటీమీటర్ల మందం ఉంది. ఆండ్రాయిడ్ 10 ఆధారిత ఐకూ యూఐ ఆపరేటింగ్ సిస్టంపై ఈ ఫోన్ పనిచేయనుంది. దీని బరువు 190 గ్రాములుగా ఉంది. యాంబియంట్ లైట్ సెన్సార్, ప్రాక్సిమిటీ సెన్సార్, గ్రావిటీ సెన్సార్, కంపాస్ లు కూడా ఉన్నాయి.