రెస్టారెంట్ల వినూత్న ప్రయత్నాలు...ఉచితంగా జిప్‌ మాస్క్...‌

కరోనా కారణంగా దేశవ్యాప్తంగా కొన్ని మాసాలుగా మూసివేసిన హాటల్స్‌, రెస్టారెంట్లు అన్‌లాక్‌లో భాగంగా తెరుచుకుంటున్నాయి.

మరోవైపు కరోనా మహమ్మారి వ్యాప్తి ఇంకా కొనసాగుతున్న తరుణంలో వినియోగదారులకు రక్షణతోపాటు వారిని ఆకట్టుకునేందుకు కొన్ని రెస్టారెంట్లు వినూత్న ప్రయత్నాలు చేస్తున్నాయి.

ఈ నేపధ్యంలో భాగంగా పశ్చిమ బెంగాల్‌ కోల్‌కొతాలోని ఒక రెస్టారెంట్‌ తమ కస్టమర్లకు జిప్‌ మాస్కులను ఉచితంగా అందజేస్తున్నది. దీంతో ఏదైనా తిన్నప్పుడు లేదా తాగినప్పుడు ఆ మాస్కుకు ఉన్న జిప్‌ ఓపెన్‌ చేసుకుంటే సరి.

అనంతరం జిప్‌ మూసివేయవచ్చు. ఎలాంటి అదనపు చార్జి వసూలు చేయకుండానే తమ కస్టమర్లకు జిప్‌ మాస్కులను అందజేస్తున్నట్లు ఆ రెస్టారెంట్‌ యజమాని పేర్కొన్నారు.

అయితే దానిని వారు తప్పక ధరించాలన్న నిబంధన ఏదీ లేదని తెలిపారు. కస్టమర్లు తమ మాస్కులతో రెస్టారెంట్‌కు రావచ్చని తెలిపారు.