దేశవాసుల పోరాట పటిమకు నేను తల వంచుతున్నాను: ముప్పవరపు వెంకయ్య నాయుడు

కరోనా వైరస్ ముప్పును నివారించడానికి గత 3 నెలలుగా స్వచ్ఛందంగా మనమంతా ఇళ్లకు మాత్రమే పరిమితమయ్యాం. మన ఆరోగ్యం కోసం, మన తోటి వారి సంరక్షణ కోసం మనమంతా ప్రభుత్వం చెప్పిన మార్గదర్శకాల మేరకు నడుచుకున్నాం. ఈ స్వల్ప వ్యవధిలో పరిమితం చేయడం అంటే ఏమిటో మనమంతా గ్రహించాం.

సరిగ్గా 45 సంవత్సరాల క్రితం ఇదే రోజున అప్పటి దేశ ప్రధాని ఇందిరా గాంధీ తీసుకొన్న అత్యవసర పరిస్థితి నిర్ణయం దేశ భద్రతకు ముప్పు తెచ్చిపెట్టింది. 21 నెలల సుదీర్ఘకాలం ఆ చట్టవిరుద్ధమైన నిర్బంధంలో, పౌరులు జీవన హక్కులతో పాటు అన్ని ప్రాథమిక హక్కులను కోల్పోయారు.

లక్షలాది మంది రాజకీయ నాయకులు, కార్యకర్తలు, అమాయక పౌరులు కూడా జైళ్లలో బంధించబడ్డారని భారత ఉపరాష్ట్రపతి ముప్పవరపు వెంకయ్యనాయుడు ఫేస్‌బుక్‌ వేదికగా తన అనుభవాలను గుర్తుచేసుకొన్నారు. ఎమర్జెన్సీ కాలంలో నేను మూడు వేర్వేరు జైళ్ళలో పదిహేడున్నర నెలల పాటు జైలుశిక్ష అనుభవించాను. ప్రజల హక్కులను అనాగరికంగా హరించడానికి వ్యతిరేకంగా విజయవంతమైన జాతీయ తిరుగుబాటు చేపట్టిన తరువాత విముక్తి పొందాను.

చట్టవిరుద్ధమైన, చట్టబద్ధమైన మధ్య వ్యత్యాసాన్ని మనం గుర్తిస్తే ఆ రోజుల్లో భయంకరమైన నిర్బంధాన్ని ఎలా అనుభవించామో అర్థం చేసుకోవచ్చు. 1974 లో విశాఖపట్నంలో ఆంధ్ర విశ్వవిద్యాలయంలో న్యాయవిద్య పూర్తి చేసి ఏబీవీపీ కార్యకర్తగా పనిచేస్తున్నాను. అత్యవసర పరిస్థితిని ప్రకటించినప్పుడు, నన్నుఅండర్ గ్రౌండ్ లోకి వెళ్ళమని సలహా ఇచ్చారు.

అత్యవసర పరిస్థితులతో పోరాడుతున్న నాయకులు, కార్యకర్తలకు సమాచారం చేరడానికి ఉమ్మడి ఆంధ్రప్రదేశ్, తమిళనాడు, కర్ణాటక రాష్ట్రాలకు కొరియర్ పనిని నాకు అప్పగించారు. నేను అత్యవసర పరిస్థితులకు వ్యతిరేకంగా ద్విచక్ర వాహనాలపై ప్రచారం చేస్తూ సందేశాలు, బుక్‌లెట్లను పంపిణీ చేశాను. భూగర్భంలో ఉంటూనే 'వందే మాతరం' బులెటిన్ పంపిణీ చేసేవాడిని. 1977 లో జరిగిన ఎన్నికల తీర్పు స్వతంత్ర భారత రాజకీయ చరిత్రలో ఒక మైలురాయి వంటివిగా పేర్కొనవచ్చు. బ్యాలెట్ శక్తి ద్వారా అత్యవసర పరిస్థితిని వెనక్కి తిప్పడం ద్వారా కొత్త అధ్యాయాన్ని స్క్రిప్ట్ చేసిన దేశవాసుల పోరాట పటిమకు నేను తల వంచుతున్నాను.. అని తన జ్ఞాపకాలను నెమరేసుకొన్నారు.