హైదరాబాద్ పోలీసులు పాడిన ‘సింగం పోలీస్ వాలా’ సోషల్ మీడియాలో హల్చల్
By: chandrasekar Wed, 07 Oct 2020 1:59 PM
‘సింగం పోలీస్ వాలా’ పేరుతో హైదరాబాద్కు చెందిన ఇద్దరు పోలీసులు సోషల్
మీడియాలో హల్చల్ సృష్టించారు. ఓల్డ్ సిటీ ఏఆర్హెడ్ క్వార్టర్స్లో విధులు
నిర్వర్తిస్తున్న వీరు తమ ప్రతిభతో అందరి మనసులు ఆకట్టుకుంటున్నారు. ఈ పోలీసుల
పేర్లు అశ్విన్, సంతోష్. ఓ వాహనంలో కూర్చొని ఇద్దరూ ర్యాప్ గీతాన్ని
ఆలపించారు.
తెలుగు, హిందీ, ఇంగ్లీష్
భాషల్లో అత్యుత్తమైన ప్రతిభ కనబరుస్తూ వీరు పాటలు పాడుతున్నారు. ప్రస్తుతం ఈ
పోలీసులు అశ్విన్, సంతోష్కు సంబంధించిన వీడియో సోషల్ మీడియాలో తెగ
వైరల్ అవుతోంది.
సమయం దొరికినప్పుడు
ఇద్దరూ ఇలా ర్యాప్ పాటలతో చుట్టూ ఉన్నవారిని ఉత్సాహపరుస్తున్నారు. ఈ వీడియోలో
భాగంగా వారు తమ ప్రతిభను కూడా గుర్తించాలని కోరారు. ముఖ్యంగా ఇంగ్లీష్ పాట తరహాలో
ఇద్దరు జవాన్లు పాడిన రాప్ గీతం ఎంతగానో ఆకట్టుకుంది. ఈ సింగం పోలీస్ వాలా సాంగ్స్
విని నెటిజన్లు ఆశ్చర్యచకితులవుతున్నారు. తెలుగు వారు అయి ఉండి ఇంగ్లీష్ రిథమ్లో
తెలుగు పాడడటం మరింతగా ఆకట్టుకుంటోంది.