ఒప్పో..రెనో 3 ప్రో స్మార్ట్ ఫోన్‌పై భారీ తగ్గింపు!

ఒప్పో మార్చిలో తన రెనో సిరీస్‌లో లాంచ్ చేసిన రెనో 3 ప్రో స్మార్ట్ ఫోన్ ధరను రూ.2,000 తగ్గించింది. అయితే తగ్గింపు కేవలం 128 జీబీ వేరియంట్ పైనే అందించారు. 128 జీబీతో పాటు ఇందులో 256 జీబీ వేరియంట్ కూడా అందుబాటులో ఉంది. దీని ధరను మాత్రం ఒప్పో తగ్గించలేదు.

ఒప్పో రెనో 3 ప్రో ధర మరియు స్పెసిఫికేషన్లు

ఈ ధర తగ్గింపుతో ఒప్పో రెనో 3 ప్రో 8 జీబీ ర్యామ్ + 128 జీబీ స్టోరేజ్ వేరియంట్ ధరను మనదేశంలో రూ.25,990కు తగ్గింది. ఇంతకు ముందు దీని ధర రూ.27,990గా ఉండేది.

8 జీబీ ర్యామ్ + 256 జీబీ స్టోరేజ్ వేరియంట్ ధర మాత్రం రూ.29,990గానే ఉంది. దీని ధరలో ఎటువంటి మార్పూ లేదు.

ఇందులో 6.4 అంగుళాల ఫుల్ హెచ్ డీ+ సూపర్ అమోఎల్ఈడీ(AMOLED) డిస్ ప్లేను కంపెనీ అందించింది.

దీని యాస్పెక్ట్ రేషియో 20:9గా ఉంది. స్క్రీన్ టు బాడీ రేషియో 91.5 శాతంగా ఉండటం విశేషం.

ఆక్టా కోర్ మీడియాటెక్ హీలియో పీ95 ప్రాసెసర్ పై ఈ స్మార్ట్ ఫోన్ పనిచేయనుంది.
ఒప్పో రెనో 3ప్రోలో వెనకవైపు నాలుగు కెమెరాలు ఉన్నాయి.

వీటిలో ప్రధాన కెమెరా సామర్థ్యం 64 మెగా పిక్సెల్ కాగా, దీంతో పాటు 8 మెగా పిక్సెల్ అల్ట్రా వైడ్ యాంగిల్ కెమెరా, 13 మెగా పిక్సెల్ టెలిఫొటో సెన్సార్, 2 మెగా పిక్సెల్ మోనో సెన్సార్ కూడా ఉన్నాయి.

ఇవి 5x హైబ్రిడ్ జూమ్, 20x డిజిటల్ జూమ్ వరకు సపోర్ట్ చేయడం విశేషం. సెల్ఫీ ప్రియుల కోసం ముందువైపు 44 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలు అందుబాటులో ఉన్నాయి.

ఆండ్రాయిడ్ 10 ఆధారిత కలర్ ఓఎస్ 7పై ఒప్పో రెనో 3 ప్రో పనిచేస్తుంది. దీని బ్యాటరీ సామర్థ్యం 4,025 ఎంఏహెచ్ గా ఉంది.

30W ఫాస్ట్ చార్జింగ్ టెక్నాలజీని ఈ ఫోన్ సపోర్ట్ చేస్తుంది.

4జీ వోల్టే, వైఫై 802.11ac, బ్లూటూత్, జీపీఎస్/ఏ-జీపీఎస్, యూఎస్ బీ టైప్-సీ పోర్టు వంటి కనెక్టివిటీ ఫీచర్లు దీనిలో ఉన్నాయి. ఎన్ఎఫ్‌సీని మాత్రం ఇందులో అందించలేదు.

ఇన్-డిస్ ప్లే ఫింగర్ ప్రింట్ సెన్సార్ ను దీనిలో అందించారు. దీని మందం 0.8 సెంటీమీటర్లుగా ఉంది. దీని బరువు 175 గ్రాములు.