హానర్ 9ఏ, హానర్ 9ఎస్ రెండు స్మార్ట్ ఫోన్లు లాంచ్
By: chandrasekar Sat, 01 Aug 2020 5:47 PM
మనదేశంలో హానర్...హానర్ 9ఏ, హానర్ 9ఎస్
రెండు స్మార్ట్ ఫోన్లను లాంచ్ చేసింది. అయితే వీటిలో గూగుల్ ప్లే స్టోర్ బదులు
హువావే యాప్ గ్యాలరీని అందించారు. అంటే మీరు యాప్స్ ను ఈ యాప్ గ్యాలరీలో నుంచే
డౌన్ లోడ్ చేసుకోవాల్సి ఉంటుంది. వీటిలో ఫుల్ వ్యూ డిస్ ప్లే, మీడియాటెక్
ప్రాసెసర్లు అందుబాటులో ఉన్నాయి. అయితే ఫీచర్ల విషయంలో హానర్ 9ఏ, 9ఎస్
రెండిటికీ తేడాలు ఉన్నాయి. హానర్ 9ఏలో వెనకవైపు మూడు కెమెరాల సెటప్ ను అందించగా, హానర్ 9ఎస్ లో
సింగిల్ కెమెరాను మాత్రమే అందించారు.
హానర్ 9ఏ ధర:
దీనిలో కేవలం 64 జీబీ
వేరియంట్ మాత్రమే అందుబాటులో ఉంది. దీని ధరను రూ.9,999గా నిర్ణయించారు. మిడ్
నైట్ బ్లాక్, ఫాంటమ్ బ్లూ రంగుల్లో అందుబాటులో ఉంటుంది. హానర్ 9ఏకు
సంబంధించిన సేల్ ఆగస్టు 6వ తేదీన ఉదయం 11 గంటలకు అమెజాన్ లో జరగనుంది.
9ఏ స్పెసిఫికేషన్లు:
దీనిలో 6.3
అంగుళాల హెచ్ డీ+ ఫుల్ వ్యూ డిస్ ప్లేను అందించారు. దీని యాస్పెక్ట్ రేషియో 20:9గా
ఉంది. ఆక్టాకోర్ మీడియాటెక్ ఎంటీ6762ఆర్ ప్రాసెసర్ పై ఈ ఫోన్ పనిచేయనుంది. ఇందులో 3 జీబీ
ర్యామ్ అందించారు. ఇందులో వెనకవైపు మూడు కెమెరాలు ఉన్నాయి. వీటిలో ప్రధాన కెమెరా
సామర్థ్యం 13 మెగా పిక్సెల్ కాగా, 5 మెగా పిక్సెల్ సెకండరీ
సెన్సార్, 2 మెగా
పిక్సెల్ టెర్టియరీ సెన్సార్ లు కూడా ఇందులో ఉన్నాయి. ఇక ముందువైపు సెల్ఫీల కోసం 5 మెగా
పిక్సెల్ కెమెరాను అందించారు. 64 జీబీ స్టోరేజ్ ఇందులో ఉంది. దీన్ని మైక్రో ఎస్
డీకార్డు ద్వారా 512 జీబీ వరకు పెంచుకోవచ్చు. వైఫై, 4జీ
ఎల్టీఈ, బ్లూటూత్
వీ5.0, జీపీఎస్/ఏ-జీపీఎస్, మైక్రో
యూఎస్ బీ పోర్టు వంటి కనెక్టివిటీ ఫీచర్లు కూడా ఉన్నాయి. దీని బ్యాటరీ సామర్థ్యం 5000
ఎంఏహెచ్ కాగా, రివర్స్ చార్జింగ్ ను ఇది సపోర్ట్ చేయనుంది.
హానర్ 9ఎస్
ధర:
దీనిలో కూడా ఒక్క
వేరియంట్ మాత్రమే అందుబాటులో ఉంది. 32 జీబీ స్టోరేజ్ తో రానున్న దీని ధరను రూ.6,499గా
నిర్ణయించారు. ఈ ఫోన్ బ్లూ, బ్లాక్ రంగుల్లో అందుబాటులో ఉండనుంది. అమెజాన్ లో
దీనికి సంబంధించిన సేల్ ఆగస్టు 6వ తేదీన మధ్యాహ్నం 12 గంటలకు జరగనుంది.
9ఎస్ స్పెసిఫికేషన్లు:
దీనిలో 5.45
అంగుళాల హెచ్ డీ+ ఫుల్ వ్యూ డిస్ ప్లేను అందించారు. దీని యాస్పెక్ట్ రేషియో 18:9గా
ఉంది. మీడియాటెక్ ఎంటీ6762ఆర్ ప్రాసెసర్ పైనే ఈ ఫోన్ కూడా పనిచేయనుంది. ఇందులో 2 జీబీ
ర్యామ్ అందుబాటులో ఉంది. ఇందులో వెనకవైపు 8 మెగా పిక్సెల్ కెమెరాను అందించారు. ముందువైపు 5 మెగా
పిక్సెల్ కెమెరా ఉంది. ఆండ్రాయిడ్ 10 ఆధారిత మ్యాజిక్ యూఐ 3.1 ఆపరేటింగ్ సిస్టంపై ఈ
ఫోన్ పనిచేయనుంది. ఇంటర్నల్ స్టోరేజ్ 32 జీబీ ఇందులో ఉంది. దీన్ని మైక్రో ఎస్ డీ కార్డు
ద్వారా 512 జీబీ
వరకు పెంచుకోవచ్చు. ఇందులో 3020 ఎంఏహెచ్ బ్యాటరీని అందించారు. వైఫై, బ్లూటూత్, జీపీఎస్/ఏ-జీపీఎస్, మైక్రో
యూఎస్ బీ పోర్టులను దీనిలో అందించారు.
ఆఫర్లు ఇవే...
లాంచ్ ఆఫర్ కింద హానర్ 9ఏను
కొనుగోలు చేస్తే రూ.1,000, హానర్ 9ఎస్ ను కొనుగోలు చేస్తే రూ.500
అందించనున్నారు. దీంతో HDFC బ్యాంక్ వినియోగదారులకు అదనంగా 10 శాతం
డిస్కౌంట్ కూడా లభించనుంది. దీనికి తోడు ఈ రెండు ఫోన్లపై నోకాస్ట్ ఈఎంఐ ఆప్షన్లు
ఆరు నెలల వరకు అందుబాటులో ఉన్నాయి.