కరోనా నుంచి కోలుకోవడం గురుంచి వీడియో విడుదల చేసిన హీరో విశాల్
By: chandrasekar Thu, 30 July 2020 4:19 PM
హీరో విశాల్ తను కరోనా
వైరస్ నుండి ఎలా బయట పడ్డారో ఆ వివరాలను ఒక వీడియో తెలియజేసారు. నేను ఏ విధమైన
ఆయుర్వేదిక్, హోమియోపతి మెడిసిన్ను ప్రమోట్ చేయడం లేదు. కేవలం
ఈ మెడిసిన్ ద్వారా నేను, మా
నాన్న, మా
మేనేజర్ కోవిడ్-19 నుండి ఎలా కోలుకున్నామో మీ అందరికీ చెప్పాలన్నదే
నా కోరిక అని అన్నారు ప్రముఖ హీరో విశాల్.
ఇటీవల విశాల్ వారి తండ్రి జికె రెడ్డి కరోనా బారిన పడి
కోలుకున్న విషయం తెలిసిందే. ఈ సందర్భంగా విశాల్ ఒక వీడియో విడుదల చేశారు. ఈ విషయమై
విశాల్ మాట్లాడుతూ నాన్నకు జూన్లో కరోనా పాజిటివ్ వచ్చిందని ఈ మధ్య కాలంలో
ఒక వీడియో పెట్టాను. మా నాన్నకు 82 సంవత్సరాలు. ఈ వయసులో ఆయనను హాస్పిటల్లో అడ్మిట్ చేయాలనే ఆలోచన అస్సలు
లేదు. ఇంట్లోనే ఉంచి ఆయనను బాగా చూసుకోవాలనేదే నా కోరిక. అందుకే నేనే దగ్గరుండి
ఆయనను చూసుకున్నాను. ఆ క్రమంలో నాకు అవే లక్షణాలు కనిపించాయి. దాంతో టెస్ట్
చేయించుకుంటే నాకు కరోనా పాజిటివ్ అని తేలింది. నాతో పాటు నాకు దగ్గరగా
ఉండే మా మేనేజర్ కి కూడా పాజిటీవ్ వచ్చింది.
డాక్టర్ హరిశంకర్ సమక్షంలో
మేము ఆయుర్వేదిక్, హోమియోపతి మెడిసిన్ తీసుకున్నాం. దీనికి ముందు మీకొక
విషయం చెప్పాలనుకుంటున్నాను. ఈ కోవిడ్ సమయంలో అన్నింటికన్నా ముఖ్యమైన విషయం
ఏంటంటే మనం వేసుకునే మందులకంటే ముందు మనలో భయం ఉండకూడదు. ఆ భయం చాలా అనర్ధాలకు
దారి తీస్తుంది. అందుకనే ముందు ధైర్యంగా ఉండండి.
మనం తప్పకుండా ఈ వైరస్ని
ఎదుర్కోగలం మనం. మనసులో తలుచుకోండి.
ఈ ధైర్యం మా నాన్న నుండి నాకు వచ్చింది. అలాగే నా నుండి మా మేనేజర్ కి వచ్చింది.
ఆ ధైర్యమే మమ్మల్ని మూడు వారాల్లో పూర్తిగా కోలుకునేలా చేసింది. అలాగే మా డాక్టర్
ఇచ్చిన మందులు కూడా మాకు హెల్ప్ అయ్యాయి.
ముఖ్యంగా 82 సంవత్సరాలున్న నాన్నకు చాలా హెల్ప్ అయింది. ఈ సందర్భంగా
మా అంకుల్ డాక్టర్ హరి శంకర్ కు ధన్యవాదాలు తెలుపుతున్నాను.మన జీవితంలో
ఎన్నోఅనుభవాలు చూస్తాం. ఇదీ అలాంటి ఒక అనుభవమే.
ఒక సినిమా ప్రారంభంలో
సామాజిక స్పృహతో ఎన్నో వీడియోలు చేస్తాం. అలానే
ఈ విషయాన్ని కూడా మీ అందరికీ తెలియజేయాలని ఈ వీడియో చేస్తున్నాను తప్ప
నేను డాక్టర్స్, హాస్పిటల్స్, మెడిసిన్ వ్యవస్థకి
వ్యతిరేకం అని కాదు. మాకు ఏ
మెడిసిన్ ఉపయోగపడిందో ఆ వివరాలు
నా ట్విట్టర్ అకౌంట్లో ఉంచడం జరిగింది. అందరూ దైర్యంగా ఉండండి తప్పకుండా
మనం ఈ కరోనాను జయించగలం ప్రజల్లో మనోధైర్యాన్ని నింపాం అన్నారు.