గెలాక్సీ ఎం51 స్మార్ట్ ఫోన్ 7000 ఎంఏహెచ్ బ్యాటరీతో...
By: chandrasekar Mon, 27 July 2020 10:16 PM
ప్రముఖ స్మార్ట్ ఫోన్
తయారీ బ్రాండ్ శాంసంగ్ త్వరలో లాంచ్ చేయనున్న గెలాక్సీ ఎం51
స్మార్ట్ ఫోన్ కు సంబంధించిన స్పెసిఫికేషన్లు లీకయ్యాయి. దీనికి సంబంధించిన
వివరాలు ఇవే. శాంసంగ్ గెలాక్సీ ఎం51 ఇప్పటికే ఎన్నో లీకుల్లో బయటకు వచ్చింది. ఈ ఫోన్ కు
సంబంధించి ఇప్పటివరకు ఎన్నో లీకులు వచ్చాయి. ఇప్పుడు తాజాగా వచ్చిన లీకుల ప్రకారం
ఇందులో 64 మెగా
పిక్సెల్ కెమెరా ఉండనుంది.
ఇందులో 12 మెగా
పిక్సెల్ అల్ట్రా వైడ్ యాంగిల్ లెన్స్ కూడా ఉండనున్నాయి. ఇందులో వెనకవైపు నాలుగు
కెమెరాల ఉండనున్నాయి. దీంతోపాటు శాంసంగ్ ఫ్లాగ్ షిప్ ఫోన్లలో ఉండే సింగిల్ టేక్
ఫీచర్ కూడా ఉంది. ఇందులో 7000 ఎంఏహెచ్ బ్యాటరీ,
15W ఫాస్ట్ చార్జింగ్ ను కూడా అందించనున్నట్లు
తెలుస్తోంది. దీంతోపాటు శాంసంగ్ గెలాక్సీ ఎం41 స్మార్ట్ ఫోన్ లో 6800 ఎంఏహెచ్ కెమెరాను కూడా
అందించనున్నట్లు తెలుస్తోంది. అయితే దీనికి సంబంధించిన అధికారిక సమాచారం ఏదీ
ఇంతవరకు అందుబాటులోకి రాలేదు.
ఎక్కువ సామర్ధ్యంవున్న
భారీ బ్యాటరీతో ఈ ఫోన్లు లాంచ్ అయితే శాంసంగ్ మనదేశ మార్కెట్లో ముందుకు దూసుకుపోయే
అవకాశం ఉంది. ఈ ఫోన్ బ్లూటూత్ ఎస్ఐజీ లిస్టింగ్ లో కూడా SM-M515F మోడల్ నంబర్ తో కనిపించింది. ఇందులో బ్లూటూత్ వీ5.0 ఫీచర్
ను కూడా అందించారు. గీక్ బెంచ్ లిస్టింగ్ లో క్వాల్ కాం స్నాప్ డ్రాగన్ 675
ప్రాసెసర్ తో ఈ ఫోన్ కనిపించింది. 8 జీబీ ర్యామ్ కూడా ఇందులో ఉంది. శాంసంగ్ గెలాక్సీ ఎం51
స్మార్ట్ ఫోన్ లాంచ్ సెప్టెంబర్ కు వాయిదా పడిందని జూన్ లో తెలిసింది. ఇప్పుడు
వస్తున్న వార్తలను బట్టి చూస్తే ఈ ఫోన్ త్వరలోనే లాంచ్ అయ్యే అవకాశం ఉందని
తెలుస్తుంది.