కొడుకు పుట్టాలని కూతురి తల నరికి బలి ఇచ్చిన తండ్రి...!
By: Anji Sat, 14 Nov 2020 6:01 PM
దేశంలో సాంకేతిక రంగం దూసుకుపోతున్న ఈరోజుల్లో మూఢనమ్మకాలను విశ్వసిస్తున్న వారు లేకపోలేదు. వాటి మీద విశ్వాసంతో నేటికీ చాలా చోట్ల దారుణాలు జరుగుతున్నాయి.
తాజాగా ఇలాంటి సంఘటనే ఒకటి రాంచీలో చోటు చేసుకుంది. మూఢనమ్మకాలపై విశ్వాసంతో విచక్షణ కోల్పోయిన ఓ తండ్రి సొంత కూతురిని కడతేర్చాడు. వివరాల్లోకి వెళ్తే..
జార్ఖండ్ రాజధాని రాంచీలో నివసించే సుమన్ నాగసియా(6) దినసరి కూలీ. అతడికి ఆరేళ్ల కుమార్తె ఉన్నప్పటికీ కొడుకు కావాలనే కోరిక ఉండేది. ఈ క్రమంలోనే ఓ మంత్రగాడిని వెళ్లి కలిశాడు.
‘నీ ఆరేళ్ల కూతురును బలిస్తే నీకు మగబిడ్డ పుడతాడని ఆ మాంత్రికుడు చెప్పడంతో విచక్షణ కోల్పోయిన సుమన్ తన కుమార్తెను అత్యంత కిరాతకంగా తల నరికి హత్య చేశాడు.
ఈ సంఘటనపై సమాచారం అందుకున్న పోలీసులు నిందితుడు సుమన్ను అదుపులోకి తీసుకుని.. మాంత్రికుడి కోసం గాలిస్తున్నారు.