అట్లాస్ కంపెనీ మూసివేత...నిరాశలో ఉద్యోగులు

అట్లాస్ సైకిల్ కు భారతీయులకు విడదీయరాని అనుబంధం ఉంది. కానీ ప్రతీ భారతీయుడిని తమ గమ్యస్థానాలకు చేర్చడంలో పేరొందిన అట్లాస్ సైకిల్ ఇప్పుడు చరిత్ర పుస్తకాలకు పరిమితం కానుంది. భారత్ ట్రస్ట్ సంస్థ వారి అట్లాస్ సైకిల్ చిట్టచివరి తయారీ యూనిట్ కూడా నిలిపివేశారు. దీంతో అట్లాస్ సైకిల్ చరిత్రగా మిగిలిపోయింది. దాదాపు 70 సంవత్సరాల క్రితం, దేశ రాజధాని న్యూ ఢిల్లీకి 40 కిలోమీటర్ల దూరంలో ఉన్న హర్యానాలోని సోనెపాట్‌లో ప్రారంభమైన భారత్ ట్రస్ట్ ఇప్పుడు ముగిసిన చరిత్రగా మిగిలింది. సైకిల్ తయారీదారు అట్లాస్ సైకిల్స్ సాహిబాబాద్‌లోని తన చివరి కర్మాగారాన్ని జూన్ 3 న మూసివేసింది. స్వీడన్‌లోని స్టాక్‌హోమ్ నోబెల్ మ్యూజియం గోడలపై కూడా మెరిసిన అట్లాస్ ఇప్పుడు ఆ చరిత్రలో మిగిలిపోయింది. కోట్లాది మంది భారతీయులకు అట్లాస్ సైకిల్ చక్రం...బతుకుచక్రంతో సమానంగా ముడిపడింది.

అట్లాస్ సైకిల్ 1951 లో హర్యానాలోని సోనెపాట్‌లో ప్రారంభించగా. ఇప్పుడు కంపెనీ సాహిబాబాద్‌లోని తన చివరి ఫ్యాక్టరీని మూసివేసింది. ఫ్యాక్టరీ గేటుపై ఒక నోటీసు ఇలా ఉంది, 'మా రోజువారీ కార్యకలాపాలకు నిధులు సేకరించడంలో మాకు ఇబ్బంది ఉంది. మేము ముడి పదార్థాలను కూడా కొనలేకపోతున్నాము. ప్రస్తుత సంక్షోభంలో, నిర్వహణ కర్మాగారాన్ని నడిపించే స్థితిలో లేము. అని రాసి ఉంది.

ఎంప్లాయీస్ యూనియన్ ప్రధాన కార్యదర్శి మహేష్ కుమార్ మాట్లాడుతూ, 'లాక్ డౌన్ తర్వాత మొదటిసారిగా పనులు ప్రారంభమవుతున్నాయని జూన్ 1, 2 తేదీల్లో మేము సంతోషంగా ఫ్యాక్టరీకి వచ్చాము. ఫ్యాక్టరీని మూసివేస్తున్నట్లు యాజమాన్యం నుంచి ఎటువంటి సూచన లేదు. బుధవారం మేము గేటుకు చేరుకోగానే సెక్యురిటీ గార్డులు మమ్మల్ని లోపలికి అనుమతించలేదని కుమార్ చెప్పారు.

అట్లాస్ కంపెనీలో 19 సంవత్సరాలు పనిచేసిన ఉద్యోగి ఆశిష్ నాగ్‌పాల్ మాట్లాడుతూ "ఈ వార్త అట్లాస్‌లో బ్రాండ్ హెడ్‌గా పనిచేసిన తరువాత నాకు చాలా బాధాకరమైనదని, నిరాశపరిచింది" అని అన్నారు. సంస్థ యజమానులు గిరీష్ కపూర్, గౌతమ్ కపూర్ అద్భుతమైన వ్యక్తులని నాగ్ పాల్ అన్నారు.